Батыс Қазақстан облысында үйдегі өрттен кейін егде жастағы әйелдің мәйіті табылды, деп хабарлайды Dala News.
«Мой Город» порталының мәліметінше, марқұмның денесінде зорлық-зомбылық белгілері анықталмаған.
«Мәйітте зорлық-зомбылық белгілері жоқ. Өлімнің нақты себебін анықтау үшін сот-медициналық сараптама тағайындалды», – деп хабарлады ведомство.
Жергілікті БАҚ-тың дерегінше, 1950 жылы туған әйелдің денесі 27 ақпан күні шамамен сағат 17:30-да Орал қаласындағы Тайманов көшесінде орналасқан үйлердің бірінен шыққан өрттен кейін табылған.
Қазіргі уақытта өлімнің нақты себебі сот-медициналық сараптама қорытындысынан кейін белгілі болады.
Ал Батыс Қазақстан облыстық төтенше жағдайлар департаментінен журналистер әзірге ресми түсініктеме ала алмаған.
