باتىس قازاقستان وبلىسىندا ٷيدەگٸ ٶرتتەن كەيٸن ەگدە جاستاعى ەيەلدٸڭ مەيٸتٸ تابىلدى, دەپ حابارلايدى Dala News.
«موي گورود» پورتالىنىڭ مەلٸمەتٸنشە, مارقۇمنىڭ دەنەسٸندە زورلىق-زومبىلىق بەلگٸلەرٸ انىقتالماعان.
«مەيٸتتە زورلىق-زومبىلىق بەلگٸلەرٸ جوق. ٶلٸمنٸڭ ناقتى سەبەبٸن انىقتاۋ ٷشٸن سوت-مەديتسينالىق ساراپتاما تاعايىندالدى», – دەپ حابارلادى ۆەدومستۆو.
جەرگٸلٸكتٸ باق-تىڭ دەرەگٸنشە, 1950 جىلى تۋعان ەيەلدٸڭ دەنەسٸ 27 اقپان كٷنٸ شامامەن ساعات 17:30-دا ورال قالاسىنداعى تايمانوۆ كٶشەسٸندە ورنالاسقان ٷيلەردٸڭ بٸرٸنەن شىققان ٶرتتەن كەيٸن تابىلعان.
قازٸرگٸ ۋاقىتتا ٶلٸمنٸڭ ناقتى سەبەبٸ سوت-مەديتسينالىق ساراپتاما قورىتىندىسىنان كەيٸن بەلگٸلٸ بولادى.
ال باتىس قازاقستان وبلىستىق تٶتەنشە جاعدايلار دەپارتامەنتٸنەن جۋرناليستەر ەزٸرگە رەسمي تٷسٸنٸكتەمە الا الماعان.
