BQO Polısıa departamentiniń málimetinshe, Oral qalasyndaǵy túngi klýbtardyń birindegi beınebaqylaý kamerasy kelýshilerdiń birin tirkegen. Bet-álpetti taný fýnksıasy bar beıneanalıtıka júıesi onyń beınesin izdeýde júrgen adamdar bazasymen avtomatty túrde salystyryp, sáıkestik anyqtaǵan, dep habarlaıdy Dalanews.kz.
Dabyl sıgnaly jedel basqarý ortalyǵyna birden túsken. Birneshe mınýt ishinde patrúldik polısıa qyzmetkerleri er adamnyń júrgen jerin anyqtap, ony ustap, polısıa bólimine jetkizdi.
Atalǵan azamat Aqtóbe oblysynda jasalǵan alaıaqtyq deregi boıynsha kúdikke ilinip, buǵan deıin izdeýde júrgen.
