Oralda er adam bankomattyń kýpiýra salatyn uiashyǵyndaǵy bireýdiń aqshasyn alyp ketken, dep habarlaidy dalanews.kz.
Oral qalasyndaǵy saýda úileriniń birinde áiel adam bankomatqa 600 myń teńgeden astam aqsha salǵan. Alaida tehnikalyq aqaýǵa bailanysty qarajat kartaǵa túspei, kýpiýra qabyldaityn bólikte qalyp qoiǵan. Al áiel adam saldym dep oilap, bankomattyń qasynan ketip qalǵan. Artynsha kelgen bir er adam aqshany alyp ketken.
Politsiia qyzmetkerleri kúdiktini jedel anyqtap, Oral qalasynyń 45 jastaǵy turǵynyn ustady. Aqsha iesine qaitaryldy. Qylmystyq is júrgizilip jatyr.
Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
Osy rette politsiia azamattarǵa aqsha salǵan kezde qarajattyń kartaǵa túskenine jáne operatsiianyń tolyq aiaqtalǵanyna kóz jetkizbei, bankomattan ketpeýińizdi eskertedi.
