16 Sáýir – “Dala qyrandary" jastar birlestigi Batys Qazaqstan oblysynyń aýmaǵyndaǵy eldimekenderdi tabiǵi qubylystardyń teris áserinen qorǵaýǵa baǵyttalǵan sý tasqynyna qarsy is-sharalarǵa qatysty. Bul jumystardy júrgizýge birlestikke QR Týrizm jáne sport ministrligi bastaǵan elimizdiń belgili sportshylary jáne BQO-nyń túrli sport túrleriniń ókilderi qosyldy.
Sportshylardyń osy aktsiiaǵa qatysýy yntymaqtastyq, komandalyq rýh jáne basqalarǵa kómektesý siiaqty sporttyq qundylyqtardyń mańyzdylyǵyn kórsetedi.
Qazirgi ýaqytta Oral qalasyna Serik Sapiev, Beibit Ystybaev, Daniiar Eleýsinov, Sergei Tsyrýlnikov, Erbol Hamitov, Ashat Dilmuhamedov, Almaty Kebispaev, Vasilii Tahtai, Firýza Sháripova jáne t.b. tanymal sportshylardan quralǵan alǵashqy eshelon Zachagansk eldimekenindegi bógetti nyǵaitý jumystaryna at salysýda. Jergilikti turǵyndarǵa kómekke 400 adam jinaldy. Olar MMA, grek-rim jáne erkin kúres, greppling, fýtbol, fýtzal jáne t.b túrli sport túrleriniń ókilderi.
Eske salsaq, «Dala Qyrandary» JQB naýryz aiynda Qoiandy aýylynyń turǵyndaryna kómekke kelgen bolatyn. Qyrandar aýlalardy erip úlgermegen qardan tazartý arqyly jergilikti turǵyndardyń baspanalaryna qyzyl sýdyń kirýine jol bermedi. Al 3 sáýir kúni biz Astanadaǵy gýmanitarlyq kómek jinaý núktesine kómektestik. Bul joly qajetti zattardy satyp alýǵa kómektesýden bólek, biz qaiyrymdy azamattar jibergen dúnielerdi sol jerde suryptap, elimizdiń sý basqan aýdandaryna odan ári tasymaldaý úshin kólikterge tiedik. 9 sáýirde Taitóbe kenti turǵyndaryna kómek qolyn sozdyq.
Al 10-ynan 11-inshi sáýirge qaraǵan túni qozǵalys qatysýshylary Jibek Joly aýyly turǵyndarynyń ótinishteri boiynsha jergilikti bógetti nyǵaitý jumystaryna atsalystyq.
