2024 jyldyń 7 qyrkúiek kúni Oral qalasynda QAZITJÝ Stýdentter saraiynda memleket jáne qoǵam qairatkeri, aqyn, KSRO Jýrnalister odaǵynyń múshesi Rahmetolla Súiindikuly Egizbaevtyń týǵanyna 100 jyl tolýyna orai jáne aqynnyń muralary toptastyrylǵan «Shárimbet sazdary» atty jinaqtyń jaryq kórýi sebepti ádebi-sazdy kesh ótkizildi.
Tańǵy saǵat 10 da bastap eki saǵatqa sozylǵan ádebi-sazdy keshtiń qonaqtary Batys Qazaqstannyń ziialy qaýymy, ǵalym-ustazdar, ádebietshiler, ardagerler jáne stýdent jastar boldy. Keshtiń júrgizýshisi jazýshy-jýrnalist, Qazaqstan Jazýshylar odaǵynyń jáne Qazaqstan Jýrnalister odaǵynyń múshesi, Qazaqstan Jazýshylar odaǵynyń BQO filialynyń tóraǵasy, QR Aqparat salasynyń úzdigi, QR Qurultai múshesi Ǵubaidýllin Baýyrjan boldy. Aqyn Rahmetolla Súiindikuly týraly jan-jaqty aqparat, baiandar aitylyp, óleńderi sahna tórinen oryndaldy. Solardyń ishinde týǵan jeri Tegisshilden kelgen jastar da bar: Sadiev Dáýren men Mýhmambetqalev Sanjar. Odan ózge de kórkemsóz oqýshylar sóz marjanyn mánerine keltire júrekten júrekterge jetkizdi.
Mereitoi iesiniń kózkórgen áriptesteri, sońynan ergen, tálim-tárbiesin alǵan zamandastary da aqyn týraly estelik aitýdan shet qalmady. Olar –Jaisań Aqbai, Kýjekova Roza, Hamzina Sániia.
Keshtiń súbeli jeri árine, «Shárimbet sazdary» dep atalyp aqynnyń óz sózimen aitqanda, «aqsuńqardai qaita túlegen» tolyqtyrylyp, estelikter men arnaýlarmen tolysyp jaryq kórgen jyr jinaqtyń tusaý kesý sáti boldy. Tusaý kesý tarih ǵylymdarynyń doktory, akademik Tuiaqbai Rysbekov men Jánibek aýdany ákiminiń orynbasary Jaqsylyq Abdolov joldandy.
Al ádebi-sazdy keshimizdiń tuzdyǵy retinde ánshi-kompozitor Qýanysh Qismetovtyń R.S.Egizbaev aqynnyń sózine jazǵan «Shárimbetim» áni Aslan Boranbaevtyń oryndaýynda shyrqaldy.
Sońynda «Shárimbet sazdary» ádebi-sazdy keshti uiymdastyrýshy M.B.Yqsanov atyndaǵy qoǵamdyq qordyń tóraǵasy, eńbek, tyl ardageri Ataev Asqar men «Shárimbet sazdary» kitabynyń qurastyrýshysy, mereitoiǵa qatysty sharalarǵa atsalysýshy filologiia ǵylymdarynyń kandidaty Oblystyq «Qazaq tili» qoǵamynyń tóraǵasy Abdýlmanov Altynbek keshke qatysqan, óner kórsetken jastardy arnaiy alǵys hattarmen, syilyqtarmen marapattady.
