«Byltyr baıqaý qatysýshylarynyń jas ereksheligine, mamandyǵyna shekteý qoıylmaǵan edi, bıyl bul báseke tek qana 7-11 synyp oqýshylary arasynda ótkizilip jatyr. Aǵymdaǵy jyldyń 15 aqpanynda bastalyp, 15 sáýirde aıaqtalatyn bolǵan. Biraq ata-analar jáne ustazdardyń suraýymen konkýrs merzimin 25 mamyrǵa deıin uzarttyq», - deıdi «Týǵan ólkem» baıqaýynyń jaýapty redaktory Janat Qapalbaeva.
Konkýrsqa usynylatyn shyǵarmalar óńirdiń damýy, sol aımaqtaǵy tanymal jandar, bıznesmender, qyzyqty keıipkerler, jastar men olardyń jasampaz bastamalary, aýyl aqsaqaldary, aýyl-aımaqtyń tarıhy men tabıǵaty, týrısik múmkindikteri sıaqty san túrli taqyrypty qamtýy tıis.
«Týǵan ólkem» baıqaýyna saıasattanýshy Aıdos Sarym bastaǵan komısıa qazylyq etedi.
Komısıa quramynda jýrnalıs Nurlan Mahmudov, jazýshy Sáken Sybanbaı, «Bilimnur» portalynyń redaktory İzgilik Naǵıev, tanymal jýrnalıser Jázıra Begaly, Polına Shımanskaıa, Ómirjan Ábdihalyquly, Serik Mámbetov, Nazıra Dárimbet, bıologıa ǵylymdarynyń doktory, profesor Nuǵman Aralbaı jáne geografıa ǵylymdarynyń kandıdaty, dosent Sanat Túgelbaev bar.
Júlde qory – 500 myń teńge. Birinshi oryn ıegerine – 100 myń, eki 2-orynǵa 50 myń, al úsh 3-oryn júldegerlerine – 30 myń teńgeden buıyrady. Bir ereksheligi – bıyl qatysýshy oqýshylardyń jetekshi ustazdaryna da arnaıy syılyq qarastyrylǵan.
Uıymdastyrýshylardyń aıtýynsha, baıqaýǵa qatysýda belsendilik tanytyp jatqan óńirler – Aqmola, Qyzylorda, Ońtústik, Shyǵys Qazaqstan oblystary men Almaty qalasy eken.
Aıta keteıik, sóz saıysyna qatysam degen oqýshylar kólemi kem degende 1 bettik maqala jazyp, jannur2@gmail.com jáne novoekz@gmail.com (eki poshtaǵa) jiberýi kerek. Materıaldy foto jáne beınematerıalmen kórkemdeýge bolady. Baıqaýǵa qatysýshy barlyq ustazdar men oqýshylarǵa qatysýshy sertıfıkaty jáne alǵys hat tegin beriledi.
Konkýrs jóninde qandaı da bir suraqtar týyndasa, myna nómirge habarlasyńyzdar: +7 747 533 1883 (Whatsapp, Telegram)
