– Búginde jasóspirimder arasynda taǵam túrlerin talǵamaı tutynýdyń saldarynan asqazan-ishek aýrýlaryna shaldyǵýshylar jıi kezdesedi. Osynyń aldyn alý jumystaryn biz elimizde alǵashqy bolyp, bıyldan bastap bilim salasynan densaýlyq saqtaý júıesine berilgen mektep medısınasyn jetildirýden bastap otyrmyz. Bul maqsatta oblys mektepterinde densaýlyq buryshtaryn ashýdy qolǵa aldyq. Eń birinshi kezekte durys ári tıimdi tamaqtanýdyń mańyzdylyǵyn oqýshylardyń sanasyna sińirýimiz kerek. Óıtkeni qoǵamymyzda qoregimizge aınalyp ketken ataýy ádemi fast-výdtyń, ıaǵnı jyldam ázirlenetin taǵam túrleriniń adam aǵzasyna, ásirese jasóspirimderdiń jetilýine, tolyq adam bolyp qalyptasýyna keri áserleri kóp. Mundaı ónimderdiń qanshalyqty zıan eken aıtyp túsindirsek te ul-qyzdarymyzdy olardan bas tartqyza almaı kelemiz. Sondyqtan urpaǵymyzǵa neniń paıdaly, neniń zıan ekenin, jaman-jaqsysyn ajyratyp, qolmen ustatyp uǵyndyrýymyz qajet-aq. Densaýlyq buryshynda balalarǵa kúndielikti tutynýdy daǵdyǵa aınaldyrǵan chıpsı, Snıkers, Koka-kola sıaqty sýsyn túrleriniń quramyn osylaı taldap kórsetsek, onyń áseri jáı aıtyp túsindire salǵannan áldeqaıda joǵary bolatyny sózsiz. Tárbıelik máni bar mundaı jumystar stendterge qoıylyp, bıyl oblystyń barlyq mektepterinde ashylatyn densaýlyq buryshtarynda ornatylady. Sondyqtan urpaǵymyzdyń seni saý, bolashaǵymyz jarqyn bolýy úshin barshańyzdy osy bastamamyzdy qoldaýǵa shaqyramyn, – dedi Densaýlyq saqtaý basqarmasynyń basshysy Muqan Egizbaev.
Basqarma basshysynyń aıtýynsha, mektep medısınasyn jetildirý densaýlyq buryshynda durys tamaqtanýdy nasıhattaýmen ǵana shektelmeıdi. Óıtkeni jasóspirimder arasynda kóz syrqattary, omyrtqalardyń qısaıýy, maıtaban aýrýlary jıi kóp. Omyrtqa máselesin boldyrmaýda oqýshylardy durys otyrýǵa úıretetin, dene shynyqtyrý jattyǵýlaryn kúndelikti jasaýǵa daǵdylandyratyn, olarmen kúndelikti qarym-qatynas jasaıtyn muǵalimderdiń kómegi asa qajet. Al, maıtabandy anyqtap, aldy alýǵa kómektesetin ploskostop apparaty jyl sońyna deıin aýdan, qalalardaǵy emhanalardyń bárine satyp alyp beriledi. Ornalasqan aýmaqtaryna qaraı jergilikti emhanalardyń qyzmetkerleri bolyp tabylatyn mekteptegi medkabınet mamandary atalǵan apparatttyń kómegimen jasspirimderdi tekseriden ótkizetin bolady.
Baspasóz konferensıasy barysynda oblystyq salaýatty ómir saltyn qalyptastyrý ortalyǵynyń dárigerleri men mektep oqýshylary durys tamaqtanýdy nasıhattap, ol týraly beınerolık kórsetti.
