– بۇگىندە جاسوسپىرىمدەر اراسىندا تاعام تۇرلەرىن تالعاماي تۇتىنۋدىڭ سالدارىنان اسقازان-ىشەك اۋرۋلارىنا شالدىعۋشىلار ءجيى كەزدەسەدى. وسىنىڭ الدىن الۋ جۇمىستارىن ءبىز ەلىمىزدە العاشقى بولىپ، بيىلدان باستاپ ءبىلىم سالاسىنان دەنساۋلىق ساقتاۋ جۇيەسىنە بەرىلگەن مەكتەپ مەديسيناسىن جەتىلدىرۋدەن باستاپ وتىرمىز. بۇل ماقساتتا وبلىس مەكتەپتەرىندە دەنساۋلىق بۇرىشتارىن اشۋدى قولعا الدىق. ەڭ ءبىرىنشى كەزەكتە دۇرىس ءارى ءتيىمدى تاماقتانۋدىڭ ماڭىزدىلىعىن وقۋشىلاردىڭ ساناسىنا ءسىڭىرۋىمىز كەرەك. ويتكەنى قوعامىمىزدا قورەگىمىزگە اينالىپ كەتكەن اتاۋى ادەمى فاست-ۆۋدتىڭ، ياعني جىلدام ازىرلەنەتىن تاعام تۇرلەرىنىڭ ادام اعزاسىنا، اسىرەسە جاسوسپىرىمدەردىڭ جەتىلۋىنە، تولىق ادام بولىپ قالىپتاسۋىنا كەرى اسەرلەرى كوپ. مۇنداي ونىمدەردىڭ قانشالىقتى زيان ەكەن ايتىپ تۇسىندىرسەك تە ۇل-قىزدارىمىزدى ولاردان باس تارتقىزا الماي كەلەمىز. سوندىقتان ۇرپاعىمىزعا نەنىڭ پايدالى، نەنىڭ زيان ەكەنىن، جامان-جاقسىسىن اجىراتىپ، قولمەن ۇستاتىپ ۇعىندىرۋىمىز قاجەت-اق. دەنساۋلىق بۇرىشىندا بالالارعا كۇندىەلىكتى تۇتىنۋدى داعدىعا اينالدىرعان چيپسي، سنيكەرس، كوكا-كولا سياقتى سۋسىن تۇرلەرىنىڭ قۇرامىن وسىلاي تالداپ كورسەتسەك، ونىڭ اسەرى ءجاي ايتىپ تۇسىندىرە سالعاننان الدەقايدا جوعارى بولاتىنى ءسوزسىز. تاربيەلىك ءمانى بار مۇنداي جۇمىستار ستەندتەرگە قويىلىپ، بيىل وبلىستىڭ بارلىق مەكتەپتەرىندە اشىلاتىن دەنساۋلىق بۇرىشتارىندا ورناتىلادى. سوندىقتان ۇرپاعىمىزدىڭ سەنى ساۋ، بولاشاعىمىز جارقىن بولۋى ءۇشىن بارشاڭىزدى وسى باستامامىزدى قولداۋعا شاقىرامىن، – دەدى دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ.
باسقارما باسشىسىنىڭ ايتۋىنشا، مەكتەپ مەديسيناسىن جەتىلدىرۋ دەنساۋلىق بۇرىشىندا دۇرىس تاماقتانۋدى ناسيحاتتاۋمەن عانا شەكتەلمەيدى. ويتكەنى جاسوسپىرىمدەر اراسىندا كوز سىرقاتتارى، ومىرتقالاردىڭ قيسايۋى، مايتابان اۋرۋلارى ءجيى كوپ. ومىرتقا ماسەلەسىن بولدىرماۋدا وقۋشىلاردى دۇرىس وتىرۋعا ۇيرەتەتىن، دەنە شىنىقتىرۋ جاتتىعۋلارىن كۇندەلىكتى جاساۋعا داعدىلاندىراتىن، ولارمەن كۇندەلىكتى قارىم-قاتىناس جاسايتىن مۇعالىمدەردىڭ كومەگى اسا قاجەت. ال، مايتاباندى انىقتاپ، الدى الۋعا كومەكتەسەتىن پلوسكوستوپ اپپاراتى جىل سوڭىنا دەيىن اۋدان، قالالارداعى ەمحانالاردىڭ بارىنە ساتىپ الىپ بەرىلەدى. ورنالاسقان اۋماقتارىنا قاراي جەرگىلىكتى ەمحانالاردىڭ قىزمەتكەرلەرى بولىپ تابىلاتىن مەكتەپتەگى مەدكابينەت ماماندارى اتالعان اپپاراتتتىڭ كومەگىمەن جاسسپىرىمدەردى تەكسەرىدەن وتكىزەتىن بولادى.
باسپا ءسوز كونفەرەنسياسى بارىسىندا وبلىستىق سالاۋاتتى ءومىر سالتىن قالىپتاستىرۋ ورتالىعىنىڭ دارىگەرلەرى مەن مەكتەپ وقۋشىلارى دۇرىس تاماقتانۋدى ناسيحاتتاپ، ول تۋرالى بەينەروليك كورسەتتى.
