Sońǵy ýaqytta aqparattyq keńistikte qazaq tilin óz betinshe úirenýge arnalǵan túrli quraldardyń jarnamasy artyp keledi. Halyqaralyq «Qazaq tili» qoǵamy bul úrdisti quptaǵanymen, tildiń ǵylymi negizin eskermeitin, kásibi turǵyda syn kótermeitin keibir oqý quraldarynyń taralýyna alańdaýshylyq bildirdi,- dep habarlaidy Dalanews.kz
Qoǵamnyń málimdeýinshe, mundai quraldar til úirenýshi ortada qazaq tiline degen yqylasty álsiretip, tildiń mártebesine nuqsan keltirýi múmkin.
Avtorynyń kásibi biligi kúmán týǵyzatyn osyndai oqý quraly týraly aqparat búgin Tengrinews saity arqyly tarady. Onda ádistemelik qatelikter men til zańdylyqtaryn elemeý faktileri aitylǵan.
Halyqaralyq «Qazaq tili» qoǵamy bul máseleni sheshý maqsatynda óz tarapynan ǵylymi-ádistemelik saraptama júrgizip, qoldanysqa usynýǵa bolatyn oqý quraldarynyń arnaiy tizimin jariialamaq. Bul tizim jaqyn kúnderi Til.kz saitynda qoljetimdi bolady.
Qoǵam til úirenýshilerge mynadai keńes beredi:
-
Birinshiden, qural avtorynyń kásibi deńgeiine mán berińiz. Onyń ǵylymi dárejesi, saladaǵy tájiribesi men eńbekteri bar ma – osyny tekserý mańyzdy;
-
Ekinshiden, oqý quraly qai baspadan shyqqanyn, ony kim saraptap, kim maquldaǵanyn zertteńiz. Eger qural bilikti mamandardyń súzgisinen ótpese, sapaly bolmaýy yqtimal.
Mektepter men oqý oryndary úshin usynylatyn oqýlyqtar arnaiy komissiialardyń súzgisinen ótedi. Alaida, jeke tutynýshyldarǵa arnalǵan oqý quraldaryna ondai talap joq. Bul erkin naryq pen tsenzýraǵa tyiym erejelerinen shyǵady. Soǵan qaramastan, til mamandary til úiretetin quraldardyń sapasyna qoǵam bolyp jaýapkershilikpen qaraý qajet ekenin alǵa tartyp otyr.
