وقۋلىق جازۋ - ويىنشىق ەمەس: «قازاق تٸلٸ» قوعامى ساپاسىز وقۋ قۇرالدارىنا الاڭداۋلى

سوڭعى ۋاقىتتا اقپاراتتىق كەڭٸستٸكتە قازاق تٸلٸن ٶز بەتٸنشە ٷيرەنۋگە ارنالعان تٷرلٸ قۇرالداردىڭ جارناماسى ارتىپ كەلەدٸ. حالىقارالىق «قازاق تٸلٸ» قوعامى بۇل ٷردٸستٸ قۇپتاعانىمەن, تٸلدٸڭ عىلىمي نەگٸزٸن ەسكەرمەيتٸن, كەسٸبي تۇرعىدا سىن كٶتەرمەيتٸن كەيبٸر وقۋ قۇرالدارىنىڭ تارالۋىنا الاڭداۋشىلىق بٸلدٸردٸ,- دەپ حابارلايدى Dalanews.kz

قوعامنىڭ مەلٸمدەۋٸنشە, مۇنداي قۇرالدار تٸل ٷيرەنۋشٸ ورتادا قازاق تٸلٸنە دەگەن ىقىلاستى ەلسٸرەتٸپ, تٸلدٸڭ مەرتەبەسٸنە نۇقسان كەلتٸرۋٸ مٷمكٸن.

اۆتورىنىڭ كەسٸبي بٸلٸگٸ كٷمەن تۋعىزاتىن وسىنداي وقۋ قۇرالى تۋرالى اقپارات بٷگٸن Tengrinews سايتى ارقىلى تارادى. وندا ەدٸستەمەلٸك قاتەلٸكتەر مەن تٸل زاڭدىلىقتارىن ەلەمەۋ فاكتٸلەرٸ ايتىلعان.

حالىقارالىق «قازاق تٸلٸ» قوعامى بۇل مەسەلەنٸ شەشۋ ماقساتىندا ٶز تاراپىنان عىلىمي-ەدٸستەمەلٸك ساراپتاما جٷرگٸزٸپ, قولدانىسقا ۇسىنۋعا بولاتىن وقۋ قۇرالدارىنىڭ ارنايى تٸزٸمٸن جارييالاماق. بۇل تٸزٸم جاقىن كٷندەرٸ Til.kz سايتىندا قولجەتٸمدٸ بولادى.

قوعام تٸل ٷيرەنۋشٸلەرگە مىناداي كەڭەس بەرەدٸ:

• بٸرٸنشٸدەن, قۇرال اۆتورىنىڭ كەسٸبي دەڭگەيٸنە مەن بەرٸڭٸز. ونىڭ عىلىمي دەرەجەسٸ, سالاداعى تەجٸريبەسٸ مەن ەڭبەكتەرٸ بار ما – وسىنى تەكسەرۋ ماڭىزدى;

• ەكٸنشٸدەن, وقۋ قۇرالى قاي باسپادان شىققانىن, ونى كٸم ساراپتاپ, كٸم ماقۇلداعانىن زەرتتەڭٸز. ەگەر قۇرال بٸلٸكتٸ مامانداردىڭ سٷزگٸسٸنەن ٶتپەسە, ساپالى بولماۋى ىقتيمال.

مەكتەپتەر مەن وقۋ ورىندارى ٷشٸن ۇسىنىلاتىن وقۋلىقتار ارنايى كوميسسييالاردىڭ سٷزگٸسٸنەن ٶتەدٸ. الايدا, جەكە تۇتىنۋشىلدارعا ارنالعان وقۋ قۇرالدارىنا ونداي تالاپ جوق. بۇل ەركٸن نارىق پەن تسەنزۋراعا تىيىم ەرەجەلەرٸنەن شىعادى. سوعان قاراماستان, تٸل ماماندارى تٸل ٷيرەتەتٸن قۇرالداردىڭ ساپاسىنا قوعام بولىپ جاۋاپكەرشٸلٸكپەن قاراۋ قاجەت ەكەنٸن العا تارتىپ وتىر.