1 qyrkúiek – Bilim kúnine orai Oqý-aǵartý ministri Ǵani Beisembaev ustazdar men ata-analardy, oqýshylardy quttyqtady,- dep habarlaidy Dalanews.kz
«Qurmetti áriptester! Qadirli ustazdar, ata-analar men oqýshylar! Búgin Qazaqstannyń túkpir-túkpirindegi bilim ordalary óz esigin aiqara ashady. Jańa oqý jylyn biz úlken josparlarmen, úkili úmitpen bastap otyrmyz. Sizderdiń árqaisyńyz elimizdiń bolashaǵy úshin ólsheýsiz úles qosyp kelesizder. Biylǵy oqý jyly oqýshylarymyz ben ustazdarymyzdy jańa biikterdi baǵyndyrýǵa shabyttandyratyn jetistikter men jeńisterge toly bolsyn dep tileimin! Bilim kúni qutty bolsyn!», – dedi ministr.
Aita keteiik, búgin Qazaqstan boiynsha mektep oqýshylary jańa oqý jylyn bastady. Elde shamamen 4,1 million oqýshy bar, olardyń shamamen 360 myńnan astamy mektep tabaldyryǵyn alǵash ret attap otyr. Jańa oqý jylynda 83 jańa mektep óz esigin aiqara ashty, onyń ishinde 57 mektep «Keleshek mektepteri» ulttyq joba aiasynda salynǵan.
