1 قىركٷيەك – بٸلٸم كٷنٸنە وراي وقۋ-اعارتۋ مينيسترٸ عاني بەيسەمباەۆ ۇستازدار مەن اتا-انالاردى, وقۋشىلاردى قۇتتىقتادى,- دەپ حابارلايدى Dalanews.kz
«قۇرمەتتٸ ەرٸپتەستەر! قادٸرلٸ ۇستازدار, اتا-انالار مەن وقۋشىلار! بٷگٸن قازاقستاننىڭ تٷكپٸر-تٷكپٸرٸندەگٸ بٸلٸم وردالارى ٶز ەسٸگٸن ايقارا اشادى. جاڭا وقۋ جىلىن بٸز ٷلكەن جوسپارلارمەن, ٷكٸلٸ ٷمٸتپەن باستاپ وتىرمىز. سٸزدەردٸڭ ەرقايسىڭىز ەلٸمٸزدٸڭ بولاشاعى ٷشٸن ٶلشەۋسٸز ٷلەس قوسىپ كەلەسٸزدەر. بيىلعى وقۋ جىلى وقۋشىلارىمىز بەن ۇستازدارىمىزدى جاڭا بيٸكتەردٸ باعىندىرۋعا شابىتتاندىراتىن جەتٸستٸكتەر مەن جەڭٸستەرگە تولى بولسىن دەپ تٸلەيمٸن! بٸلٸم كٷنٸ قۇتتى بولسىن!», – دەدٸ مينيستر.
ايتا كەتەيٸك, بٷگٸن قازاقستان بويىنشا مەكتەپ وقۋشىلارى جاڭا وقۋ جىلىن باستادى. ەلدە شامامەن 4,1 ميلليون وقۋشى بار, ولاردىڭ شامامەن 360 مىڭنان استامى مەكتەپ تابالدىرىعىن العاش رەت اتتاپ وتىر. جاڭا وقۋ جىلىندا 83 جاڭا مەكتەپ ٶز ەسٸگٸن ايقارا اشتى, ونىڭ ٸشٸندە 57 مەكتەپ «كەلەشەك مەكتەپتەرٸ» ۇلتتىق جوبا اياسىندا سالىنعان.
