OQO ǵalymdary latyn álipbiine kóshý ádistemesin jasaýǵa qatysady
Osy oraida, óńir ǵalymdary tarapynan jalpyhalyqtyq taldaýdan ótken álipbidiń sońǵy nusqasyn qoldaý taýypty. Sondai-aq, kezdesý barysynda Túrkiia, Ázirbaijan, Ózbekstan – úsh túrkitildes memleketterdiń tájiribesinen mysaldar keltirilip, olardaǵy jetistikter men kemshin tustaryn atap aitty. Ońtústik Qazaqstan memlekettik pedagogikalyq institýty prorektorynyń mindetin atqarýshy Erkin Mahashevtyń aitýynsha, qazir olar qazaq tiliniń ulttyq erekshelikterin saqtaý boiynsha izdenip jatyr. Til mamandarynyń ádis-tásilder jiyntyǵy balabaqsha jáne bastaýysh synyp balalaryna arnalady. Top músheleriniń paiymynsha, latyn álipbii – tyń tehnologiialardyń tili.
– Ǵalymdar latyn álipbiine kóshýdiń ádistemesin jazyp jatyr. Bul jerde jastardyń da úlesi zor. Latyn áripterin saýatty qoldaný úshin tiianaqty bolý kerek. Sebebi qazaqsha jazý joǵalmai, ulttyq kod saqtalýy tiis, – deidi OQMPI prorektorynyń mindetin atqarýshy Erkin Mahashev.
