Budan bólek, óńirde bıylǵy jyly 37,1 mlrd. teńgeni quraıtyn 17 jobany iske qosý kózdelse, búgingi tańda quny 37 mıllıard teńgeni quraıtyn 3 zaýyt óz jumysyn bastap ketti.
«Júzege asqan jobanyń biri - Shymkent qalasyndaǵy vaflı óndirý fabrıkasy. Munda jylyna 1700 tonna ónim óndirý kózdelip otyr. Ekinshi joba - «Azıa agro» JSHS-gi Otyrar aýdanynda júgeri óńdeý isin qolǵa alyp otyr. Úshinshi joba - Sozaq aýdanynda ýran óndirisine arnalǵan polıetılen shyǵaratyn zaýyt óz jumysyn bastap jiberdi», - deıdi oblystyq kásipkerlik, ındýstrıaldy - ınovasıalyq damý jáne týrızm basqarmasynyń basshysy Batyrhan Qurmanseıit.
Jalpy oblysymyz ınvestısıaǵa tartymdy óńir bolyp tabylady. Ázirge ınvestısıa tartý boıynsha Shymkent qalasy, Otyrar, Tólebı, Saryaǵash aýdandary kósh bastaǵan.
Investorlardyń qyzyǵýshylyq tanytyp otyrǵan salalary farmasevtıka toqyma óndirisi, jeńil ónerkásip jáne aýyl sharýashylyǵyndaǵy qaıta óńdeý ónerkásibi bolyp tur.
Budan bólek, mashına jasaý, týrızm, "Aqyldy qala" salalary boıynsha yntymaqtastyq ornatý, tájirıbe almasý maqsatynda Germanıa, Ulybrıtanıa, Grýzıa, Ispanıa, Italıa, Túrkıa, Reseı jáne t.b. memleketterine resmı saparlar josparlanýda. Mundaı sharalar óńirimizdiń ınvestısıalyq múmkindikterin tanystyryp, jańa áriptestik qatynas ornatýǵa jol ashady.
Osydan 5 jyl buryn óńirimizde shaǵyn jáne orta bıznes sýbektileriniń sany 120 myń bolsa, sońǵy 5 jylda bul kórsetkish kóbeıip, 176 684-ke jetip otyr. Al, osy salaǵa ınvestısıa tartý boıynsha oblysymyz respýblıkada aldyńǵy orynǵa shyqty. Jalpy oblys ekonomıkasyna 2016 jyly 380,6 mlrd.teńge ınvestısıa tartylǵan.
