بۇدان بولەك، وڭىردە بيىلعى جىلى 37،1 ملرد. تەڭگەنi قۇرايتىن 17 جوبانى ىسكە قوسۋ كوزدەلسە، بۇگىنگى تاڭدا قۇنى 37 ميلليارد تەڭگەنى قۇرايتىن 3 زاۋىت ءوز جۇمىسىن باستاپ كەتتى.
«جۇزەگە اسقان جوبانىڭ ءبىرى - شىمكەنت قالاسىنداعى ۆافلي ءوندىرۋ فابريكاسى. مۇندا جىلىنا 1700 توننا ءونىم ءوندىرۋ كوزدەلىپ وتىر. ەكىنشى جوبا - «ازيا اگرو» جشس-گى وتىرار اۋدانىندا جۇگەرى وڭدەۋ ءىسىن قولعا الىپ وتىر. ءۇشىنشى جوبا - سوزاق اۋدانىندا ۋران وندىرىسىنە ارنالعان پوليەتيلەن شىعاراتىن زاۋىت ءوز جۇمىسىن باستاپ جىبەردى»، - دەيدى وبلىستىق كاسىپكەرلىك، يندۋستريالدى - يننوۆاسيالىق دامۋ جانە تۋريزم باسقارماسىنىڭ باسشىسى باتىرحان قۇرمانسەيىت.
جالپى وبلىسىمىز ينۆەستيسياعا تارتىمدى ءوڭىر بولىپ تابىلادى. ازىرگە ينۆەستيسيا تارتۋ بويىنشا شىمكەنت قالاسى، وتىرار، تولەبي، سارىاعاش اۋداندارى كوش باستاعان.
ينۆەستورلاردىڭ قىزىعۋشىلىق تانىتىپ وتىرعان سالالارى فارماسيەۆتيكا توقىما ءوندىرىسى، جەڭىل ونەركاسىپ جانە اۋىل شارۋاشىلىعىنداعى قايتا وڭدەۋ ونەركاسىبى بولىپ تۇر.
بۇدان بولەك، ماشينا جاساۋ، تۋريزم، "اقىلدى قالا" سالالارى بويىنشا ىنتىماقتاستىق ورناتۋ، تاجىريبە الماسۋ ماقساتىندا گەرمانيا، ۇلىبريتانيا، گرۋزيا، يسپانيا، يتاليا، تۇركيا، رەسەي جانە ت.ب. مەملەكەتتەرىنە رەسمي ساپارلار جوسپارلانۋدا. مۇنداي شارالار ءوڭىرىمىزدىڭ ينۆەستيسيالىق مۇمكىندىكتەرىن تانىستىرىپ، جاڭا ارىپتەستىك قاتىناس ورناتۋعا جول اشادى.
وسىدان 5 جىل بۇرىن وڭىرىمىزدە شاعىن جانە ورتا بيزنەس سۋبەكتىلەرىنىڭ سانى 120 مىڭ بولسا، سوڭعى 5 جىلدا بۇل كورسەتكىش كوبەيىپ، 176 684-كە جەتىپ وتىر. ال، وسى سالاعا ينۆەستيسيا تارتۋ بويىنشا وبلىسىمىز رەسپۋبليكادا الدىڭعى ورىنعا شىقتى. جالپى وبلىس ەكونوميكاسىنا 2016 جىلى 380،6 ملرد.تەڭگە ينۆەستيسيا تارتىلعان.
