OQO-da úsh jylda 500-dei eldimekenge kógildir otyn jetkiziledi
«Sońǵy jyldary oblysta 7 avtomatty gaz taratý stantsiialarynyń qurylysy júrgizildi. Qurylystyń jalpy quny - 22,2 mlrd. teńge. Onyń úsheýi jýyrda paidalanýǵa beriledi. Olar Kentaý, Ordabasy, Arys aýdandaryndaǵy gaz taratý beketteri. Aýyldardaǵy ishki qurylys jumystary aiaqtalǵannan soń iske qosylýǵa daiyn turǵan stantsiia Ordabasy, Otyrar aýdandaryn tolyǵymen gazben qamtamasyz etýge jumys jasaityn bolady. Osy beketterdi iske qossaq, oblystaǵy soltústik aýdandardy gazben qamtý múmkindigi ashylady»,-dedi Janseiit Qanseiituly.
Aita keteiik, byltyr oblysta 25 eldi mekendi gazǵa qosý jumystary júrgizilgen. Bul maqsatqa 13,7 mlrd.tenge baǵyttalǵan bolatyn. Biyl 70 eldi mekenge gaz qubyrlary tartylyp, qurylys jumystary júrgizilýde. Jalpy, oblysta 844 eldi mekenniń 300-i tabiǵi gazben qamtamasyz etilgen. Iaǵni bul óńirdiń 1 755 307 turǵyny kógildir otynǵa qol jetkizip otyr.
Oblystyń eldi mekenderin 2017-2020 jyldar aralyǵynda gazdandyrýdyń keshendi is-shara jospary ázirlendi. Josparǵa sáikes 2020 jylǵa qosymsha 383 eldi mekendi gazdandyrý josparlanyp otyr. 2021 jylǵa tabiǵi gazben qamtylǵan eldi mekender sanyn 683-ke nemese 2 mln. 720 myń turǵynǵa jetkizý mejelenýde.
Esterińizge sala keteiik, 2013 jyly oblysymyzda Elbasynyń tikelei qoldaýymen júzege asqan «Beineý-Bozai-Shymkent» magistraldy gaz qubyry boiynan 7 avtomattandyrylǵan gaz retteýshi stantsiialarynyń qurylystary júrgizilip, búgingi tańda 4-i (Túrkistan q., Iqan e.m., Sairam aýd., Báidibek aýd.,) paidalanýǵa berilse, qalǵan 3-in (Kentaý q., Otyrar aýd., Ordabasy aýd.,) aǵymdaǵy jyly aiaqtaý josparlanǵan.
