OQO-da «Prezidenttiń bes áleýmettik bastamasy» atty Úndeýin júzege asyrý joldary talqylandy
«Birinshi bastama: «Árbir otbasyna baspana alýdyń jańa múmkindikterin berý». Bul maqsatta, aǵymdaǵy jyly óńirde turǵyn úi qurylysyn belsendi túrde iske asyrý bizdiń basty nazarymyzda. Máselen, 77 nysannyń qurylysyna 27,4 mlrd. teńge qarastyryldy. «Aýyl muǵalimi men dárigerine qyzmettik páter» jobasy bastalyp, biyl 9 aýdannyń 20 eldi mekeninde 212 páterli 20 qyzmettik turǵyn úi qurylysyn bastaimyz. Jalpy aǵymdaǵy jyly barlyq qarjylandyrý kózderi esebinen 730 myń sharshy metr turǵyn úidi paidalanýǵa berýdi mejelep otyrmyz. Budan bólek, 13,8 mlrd. teńgeni quraityn 22,9 myń sh.m nemese 1644 páterli 28 turǵyn úidiń jobalaý-smetalyq qujattamasy ázirlenip, respýblikalyq biýdjetten qosymsha qarjy bólýge tiisti usynys berildi», - dedi Janseiit Qanseiituly.
Oblys basshysy Elbasy kótergen ózge de áleýmettik bastamalardyń óńirde oryndalýyn júieledi. Máselen, ekinshi bastama «Jalaqysy tómen jumysshylardyń eńbekaqysyn kóbeitý úshin olardyń salyq júktemesin azaitý». 2019 jyldyń 1 qańtarynan bastap jumysshylardyń jalaqysynan 1 paiyz ǵana salyq alynady. Bul tabysy ortasha óńirler úshin óte jaǵymdy jańalyq.
Úshinshi bastama: «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartý» bolatyn. Elbasy 54 myń grantqa qosymsha 2018-2019 oqý jylynda taǵy 20 myń grant bólýdi tapsyrdy. Onyń 11 myńy tehnikalyq mamandyqtar boiynsha bakalavrlyq bilim berýge tiesili bolady. Bul jańa ekonomikada zor suranysqa ie bolatyn san myń jańa mamandy daiarlaýǵa múmkindik beredi. Jalpy respýblika boiynsha 2022 jyldyń sońyna deiin stýdentterge arnap keminde 75 myń oryndyq jańa jataqhana salynady. Bul sharamen oblystyń stýdentteri de qamtylatyn bolady.
Tórtinshi bastama: «Shaǵyn nesie berýdi kóbeitý». Elbasy 2017 jyly «Bastaý Biznes» jobasy boiynsha bilim alǵan 5 myń adam qajetti shaǵyn nesielerdi ala almaýyn tilge tiek etip, 2018 jyly qosymsha 20 milliard teńge bólip, shaǵyn nesielerdiń jalpy somasyn 62 milliard teńgege jetkizýdi tapsyrdy. Bastama myńdaǵan adamǵa óz isin ashýǵa múmkindik beretindigimen mańyzdy. Bul óńirimizdiń aýyl-aimaqtary úshin, aýyldaǵy kásipkerlikti damytý úshin airyqsha mańyzdy.
Osy baǵytta biylǵy jyly «Ońtústik» aimaqtyq investitsiialyq ortalyǵy arqyly 4 mlrd. teńgege shaǵyn jáne orta bizneske kómek kórsetilý josparlanýda. Jastardy qoldaý maqsatynda «Jas kásipker» baǵdarlamasy júzege asyrylýda. Baǵdarlama aiasynda kásipkerlikpen ainalysýǵa niet bildirgen jastarǵa kepilsiz 2 mln. teńge kóleminde nesie qarajaty usynylady.
2018 jyly «Nátijeli jumyspen qamtýdy jáne jappai kásipkerlikti damytý» baǵdarlamasymen 90 myń adam jumyspen qamtý sharalarymen qamtylady. Joǵaryda atalǵan qosymsha bólinetin 20 mlrd. teńgeden óńirdiń kásipkerleri de tiisti úlesin alatyn bolady.
Besinshi bastama: «Eldi gazben qamtamasyz etýdi jalǵastyrý». Ótken jyly oblysta 44 eldi meken gazben qamtyldy. Biyl, tabiǵi gazben qamtamasyz etý salasynda 67 nysannyń qurylysyna 16 mlrd. teńge bólinyp otyr. Nátijesinde, 42 eldi mekenge tabiǵi gaz jetkizilip, oblysta jalpy 386 eldi mekendi nemese turǵyndardyń 64,5 paiyzyn qamtamasyz etý josparlanýda.
Jiynǵa qatysqan memleket jáne qoǵam qairatkerleri, el belsendileri Elbasy bastamalaryn qoldap, Úndeýde atap kórsetilgen máseleler júieli túrde oryndalý qajettigin alǵa tartty.
OQO ákiminiń baspasóz qyzmeti
