«ءبىرىنشى باستاما: «ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ». بۇل ماقساتتا، اعىمداعى جىلى وڭىردە تۇرعىن ءۇي قۇرىلىسىن بەلسەندى تۇردە ىسكە اسىرۋ ءبىزدىڭ باستى نازارىمىزدا. ماسەلەن، 77 نىساننىڭ قۇرىلىسىنا 27،4 ملرد. تەڭگە قاراستىرىلدى. «اۋىل ءمۇعالىمى مەن دارىگەرىنە قىزمەتتىك پاتەر» جوباسى باستالىپ، بيىل 9 اۋداننىڭ 20 ەلدى مەكەنىندە 212 پاتەرلى 20 قىزمەتتىك تۇرعىن ءۇي قۇرىلىسىن باستايمىز. جالپى اعىمداعى جىلى بارلىق قارجىلاندىرۋ كوزدەرى ەسەبىنەن 730 مىڭ شارشى مەتر تۇرعىن ءۇيدى پايدالانۋعا بەرۋدى مەجەلەپ وتىرمىز. بۇدان بولەك، 13،8 ملرد. تەڭگەنى قۇرايتىن 22،9 مىڭ ش.م نەمەسە 1644 پاتەرلى 28 تۇرعىن ءۇيدىڭ جوبالاۋ-سمەتالىق قۇجاتتاماسى ازىرلەنىپ، رەسپۋبليكالىق بيۋدجەتتەن قوسىمشا قارجى بولۋگە ءتيىستى ۇسىنىس بەرىلدى»، - دەدى جانسەيىت قانسەيىت ۇلى.
وبلىس باسشىسى ەلباسى كوتەرگەن وزگە دە الەۋمەتتىك باستامالاردىڭ وڭىردە ورىندالۋىن جۇيەلەدى. ماسەلەن، ەكىنشى باستاما «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ». 2019 جىلدىڭ 1 قاڭتارىنان باستاپ جۇمىسشىلاردىڭ جالاقىسىنان 1 پايىز عانا سالىق الىنادى. بۇل تابىسى ورتاشا وڭىرلەر ءۇشىن وتە جاعىمدى جاڭالىق.
ءۇشىنشى باستاما: «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ» بولاتىن. ەلباسى 54 مىڭ گرانتقا قوسىمشا 2018-2019 وقۋ جىلىندا تاعى 20 مىڭ گرانت ءبولۋدى تاپسىردى. ونىڭ 11 مىڭى تەحنيكالىق ماماندىقتار بويىنشا باكالاۆرلىق ءبىلىم بەرۋگە تيەسىلى بولادى. بۇل جاڭا ەكونوميكادا زور سۇرانىسقا يە بولاتىن سان مىڭ جاڭا ماماندى دايارلاۋعا مۇمكىندىك بەرەدى. جالپى رەسپۋبليكا بويىنشا 2022 جىلدىڭ سوڭىنا دەيىن ستۋدەنتتەرگە ارناپ كەمىندە 75 مىڭ ورىندىق جاڭا جاتاقحانا سالىنادى. بۇل شارامەن وبلىستىڭ ستۋدەنتتەرى دە قامتىلاتىن بولادى.
ءتورتىنشى باستاما: «شاعىن نەسيە بەرۋدى كوبەيتۋ». ەلباسى 2017 جىلى «باستاۋ بيزنەس» جوباسى بويىنشا ءبىلىم العان 5 مىڭ ادام قاجەتتى شاعىن نەسيەلەردى الا الماۋىن تىلگە تيەك ەتىپ، 2018 جىلى قوسىمشا 20 ميلليارد تەڭگە ءبولىپ، شاعىن نەسيەلەردىڭ جالپى سوماسىن 62 ميلليارد تەڭگەگە جەتكىزۋدى تاپسىردى. باستاما مىڭداعان ادامعا ءوز ءىسىن اشۋعا مۇمكىندىك بەرەتىندىگىمەن ماڭىزدى. بۇل ءوڭىرىمىزدىڭ اۋىل-ايماقتارى ءۇشىن، اۋىلداعى كاسىپكەرلىكتى دامىتۋ ءۇشىن ايرىقشا ماڭىزدى.
وسى باعىتتا بيىلعى جىلى «وڭتۇستىك» ايماقتىق ينۆەستيسيالىق ورتالىعى ارقىلى 4 ملرد. تەڭگەگە شاعىن جانە ورتا بيزنەسكە كومەك كورسەتىلۋ جوسپارلانۋدا. جاستاردى قولداۋ ماقساتىندا «جاس كاسىپكەر» باعدارلاماسى جۇزەگە اسىرىلۋدا. باعدارلاما اياسىندا كاسىپكەرلىكپەن اينالىسۋعا نيەت بىلدىرگەن جاستارعا كەپىلسىز 2 ملن. تەڭگە كولەمىندە نەسيە قاراجاتى ۇسىنىلادى.
2018 جىلى «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسىمەن 90 مىڭ ادام جۇمىسپەن قامتۋ شارالارىمەن قامتىلادى. جوعارىدا اتالعان قوسىمشا بولىنەتىن 20 ملرد. تەڭگەدەن ءوڭىردىڭ كاسىپكەرلەرى دە ءتيىستى ۇلەسىن الاتىن بولادى.
بەسىنشى باستاما: «ەلدى گازبەن قامتاماسىز ەتۋدى جالعاستىرۋ». وتكەن جىلى وبلىستا 44 ەلدى مەكەن گازبەن قامتىلدى. بيىل، تابيعي گازبەن قامتاماسىز ەتۋ سالاسىندا 67 نىساننىڭ قۇرىلىسىنا 16 ملرد. تەڭگە ءبولىنىپ وتىر. ناتيجەسىندە، 42 ەلدى مەكەنگە تابيعي گاز جەتكىزىلىپ، وبلىستا جالپى 386 ەلدى مەكەندى نەمەسە تۇرعىنداردىڭ 64،5 پايىزىن قامتاماسىز ەتۋ جوسپارلانۋدا.
جيىنعا قاتىسقان مەملەكەت جانە قوعام قايراتكەرلەرى، ەل بەلسەندىلەرى ەلباسى باستامالارىن قولداپ، ۇندەۋدە اتاپ كورسەتىلگەن ماسەلەلەر جۇيەلى تۇردە ورىندالۋ قاجەتتىگىن العا تارتتى.
وقو اكىمىنىڭ باسپا ءسوز قىزمەتى
