Aıta keteıik, keshendi medısınalyq aqparattyq júıesi oblysymyzda 2017 jyldyń 1 aqpanynan bastap jumys istep keledi. Qazirgi tańda atalǵan jańa júıe oblystyń ambýlatorlyq-emhanalyq jáne 38 medısınalyq uıymdary men bólimshelerinde ornatylǵan. Atalǵan pılottyq júıege stasıonarlyq qyzmet kórsetetin uıymdar da qosylyp, júıeni tırajdaý máselesin jyl sońyna deıin aıaqtaý josparlanyp otyr.
– Oblysymyzdyń densaýlyq saqtaý salasy kúnnen-kúnge erekshe qarqynmen damyp keledi. Qazirgi tańda medısınalyq kómekti jaqsartý maqsatynda oblysmyzdaǵy barlyq densaýlyq saqtaý uıymdaryna medısınalyq aqparattandyrý júıesin ornatý ústindemiz. Sonymen qatar, osy baǵytta medısınalyq uıymdardy 2017 jyly tolyq kompútermen jabdyqtaý josparlanyp otyr. Bul júıeniń tıimdiligi mol. Sondyqtan jańashyldyqqa umtylýdan qoryqpaı, halyqtyń densaýlyǵyn jaqsartýda árqaısymyz aıanbaı eńbek etýimiz kerek, – dedi Janseıit Qanseıituly.
«Damý» aqparattyq tehnologıalyq ortalyǵy ázirlegen joba – «DamuMed» keshendi medısınalyq aqparattyq júıesi dep atalady. Atalǵan óńirlik júıe medısınalyq uıymdarda ishki prosesti avtomattandyryp qana qoımaı, medısınalyq kómek kórsetý deńgeıleriniń bir-birimen ıntegrasıasyn, onkologıa, týberkýlez, kardıologıalyq arnaıy qyzmetterdiń shuǵyl sabaqtastyǵyn qamtamasyz ete alady.
OQO ákiminiń baspasóz qyzmeti
