ايتا كەتەيىك، كەشەندى مەديسينالىق اقپاراتتىق جۇيەسى وبلىسىمىزدا 2017 جىلدىڭ 1 اقپانىنان باستاپ جۇمىس ىستەپ كەلەدى. قازىرگى تاڭدا اتالعان جاڭا جۇيە وبلىستىڭ امبۋلاتورلىق-ەمحانالىق جانە 38 مەديسينالىق ۇيىمدارى مەن بولىمشەلەرىندە ورناتىلعان. اتالعان پيلوتتىق جۇيەگە ستاسيونارلىق قىزمەت كورسەتەتىن ۇيىمدار دا قوسىلىپ، جۇيەنى تيراجداۋ ماسەلەسىن جىل سوڭىنا دەيىن اياقتاۋ جوسپارلانىپ وتىر.
– وبلىسىمىزدىڭ دەنساۋلىق ساقتاۋ سالاسى كۇننەن-كۇنگە ەرەكشە قارقىنمەن دامىپ كەلەدى. قازىرگى تاڭدا مەديسينالىق كومەكتى جاقسارتۋ ماقساتىندا وبلىسمىزداعى بارلىق دەنساۋلىق ساقتاۋ ۇيىمدارىنا مەديسينالىق اقپاراتتاندىرۋ جۇيەسىن ورناتۋ ۇستىندەمىز. سونىمەن قاتار، وسى باعىتتا مەديسينالىق ۇيىمداردى 2017 جىلى تولىق كومپيۋتەرمەن جابدىقتاۋ جوسپارلانىپ وتىر. بۇل جۇيەنىڭ تيىمدىلىگى مول. سوندىقتان جاڭاشىلدىققا ۇمتىلۋدان قورىقپاي، حالىقتىڭ دەنساۋلىعىن جاقسارتۋدا ءارقايسىمىز ايانباي ەڭبەك ەتۋىمىز كەرەك، – دەدى جانسەيىت قانسەيىت ۇلى.
«دامۋ» اقپاراتتىق تەحنولوگيالىق ورتالىعى ازىرلەگەن جوبا – «DamuMed» كەشەندى مەديسينالىق اقپاراتتىق جۇيەسى دەپ اتالادى. اتالعان وڭىرلىك جۇيە مەديسينالىق ۇيىمداردا ىشكى پروسەسستى اۆتوماتتاندىرىپ قانا قويماي، مەديسينالىق كومەك كورسەتۋ دەڭگەيلەرىنىڭ بىر-بىرىمەن ينتەگراسياسىن، ونكولوگيا، تۋبەركۋلەز، كارديولوگيالىق ارنايى قىزمەتتەردىڭ شۇعىل ساباقتاستىعىن قامتاماسىز ەتە الادى.
وقو اكىمىنىڭ باسپا ءسوز قىزمەتى
