«Jýrnalistika – qyzyǵy men qiyndyǵy mol, zor jaýapkershilikti qajet etetin kásip. Sizder Prezidentimizdiń jasampaz ideialarynyń tóńiregine qoǵamdy toptastyrý, ultty uiystyrýǵa zor úles qosyp kelesizder. Demek, qandai da bir aqparat kóziniń sózi - qoǵamdyq pikir qalyptastyrýdyń temirqazyǵy ispetti. Sondyqtan da árbir sózdi, árbir oqiǵany taratýda shynaiylyq pen adaldyq qaǵidalaryn saqtai otyryp áreket etýlerińiz barynsha mańyzdy dep bilemin», - dedi óńir basshysy.
Munan soń, aimaq basshysy atalǵan salada talai jyldardan beri qyzmet etip, qoǵamdaǵy kúrmeýli máselelerdi qozǵap júrgen jýrnalisterdi marapattady.
Sonymen, «Ońtústik Qazaqstan oblysynyń Qurmetti azamaty» ataǵyna «Otyrar» telearnasynyń direktory Valentina Kýlikova ie bolsa, «Oblysqa sińirgen Eńbegi úshin» medali «QR mádeniet qairatkeri», «Qazaqstannyń qurmetti jýrnalisti» Qalybek Atjan, jýrnalistika ardageri Suhanberdi Orazaliev jáne «Rabat» gazetiniń bas redaktory Farida Sharafýtdinovaǵa tabystaldy.
Úzdik jariialanym nominatsiiasy boiynsha «Úzdik telearna» atalymyn «Otyrar» telearnasy alsa, «Eń úzdik aimaq tilshisi» nominatsiiasyn «Zań», «Qazaqstan zaman» gazetteriniń menshikti tilshisi Shadiiar Moldabek pen «24 kz» telearnasynyń menshikti tilshisi Katerina Popkova, «Úzdik basylym» nominatsiiasyn «Shymkent kelbeti» men «Ýaqyt» gazetteri, «Altyn qaýyrsyn» nominatsiiasyn «Ońtústik Qazaqstan» gazetiniń tilshisi Ǵabit Saparbekov, «Altyn mikrofon» nominatsiiasyn «Qazaqstan-Shymkent» telearnasynyń tilshisi Tórebek Baitasov, «Úzdik aqparattyq agenttik» nominatsiiasyn Rgmedia.kz aqparattyq portaly, «Úzdik aýdandyq, qalalyq basylym» atalymyn «Ordabasy ottary» gazeti enshiledi. Munan bólek, 9 tilshige oblys ákiminiń Gramotasy, 11 jýrnalistke oblys ákiminiń Alǵys haty berildi.
Sonymen birge, 18 adamǵa Túrkiia Respýblikasyna joldama berilse, «Túrkistan – Túrki áleminiń mádeni astanasy» sharasyna belsene qatysqany úshin 10 azamat oblys ákiminiń Alǵys hatymen marapattaldy.
BAQ ókilderi qurmettelgen sharada birqatar qalam ustaǵan ókilder oblys máslihatynyń Gramotasymen, Alǵys hatymen, QR Ortalyq kommýnikatsiialar qyzmetiniń Alǵys hatymen, QR Jýrnalister Odaǵy OQO filialy tarapynyń arnaiy nominatsiialarymen, oblystyq ishki saiasat basqarmasynyń Alǵys hatymen marapattaldy. Sondai-aq, saltanatty otyrysta oblystyq BAQ ókilderi arasynda ótken «Kásipkerden 10 keńes» baiqaýy men «Otansúigishtik – Memlekettik rámizderdi qurmetteýden bastalady» baiqaýynyń jeńimpazdary quttyqtap, áleýmettik jelide belsendilik tanytyp júrgen birqatar blogerler oblystyq ishki saiasat basqarmasynyń syilyǵymen marapattaldy.
Bailanys jáne aqparat qyzmetkerleriniń kúninde jýrnalister qaýymyna kontserttik baǵdarlama usynylyp, merekelik kóńil-kúi syilandy.
OQO ákiminiń baspasóz qyzmeti
