Kezdesý barysynda aimaq basshysy jeńimpazdardy halyqaralyq, respýblikalyq jetistikterimen quttyqtap, bul jeńistiń – olardyń taýdai talaptan, asqan tózimnen, ynta men yqylasynan týǵan jemis ekendigin atap ótti. Sondai-aq, balalardyń bul jeńisinde ata-analar men ustazdardyń qosqan úlesi mol ekenin jetkizdi.
– Oblys mereiin asyrǵan talapty túlekter – Sizderge jáne Bilikti ustazdaryńyzǵa alǵysym erekshe. Elimizdi «Máńgilik el» jasaýda naǵyz bolashaq qozǵaýshy kúsh ol jastar. Bilim berý – qashan da ata-ananyń bala aldyndaǵy qasterli qaryzy, tutas qoǵamnyń urpaq aldyndaǵy qasietti paryzy. Al bilim alý – erteńiniń eńseli bolǵanyn qalaityn qai jannyń da júrekke túigen boryshy. Ótken 2016 jyly túlekterimiz Astana – Almaty qalalarymen teńdei iyq teńestirip, UBT kórsetkishi boiynsha respýblikada 18 oqýshy eń joǵary 125 balǵa qol jetkizse, sonyń ishinde 6 oqýshy bizdiń oblystyń túlekteri. Bul úrdis báseńdep qalmai, aldaǵy UBT nátijesi boiynsha Sizder joǵary kórsetkish kórsetip, oblystyń maqtanyshy bolady dep senemin, – dedi ákim.
2016-2017 oqý jylynda oblystyń 4 oqýshysy halyqaralyq olimpiada, 26 oqýshy respýblikalyq olimpiadalarda, 10 oqýshy ǵylymi jobalarda jáne óner men sporttan 10 oqýshy halyqaralyq júldeli oryndarǵa ie bolǵan. Al, respýblikada jaratylystaný-matematika baǵyty boiynsha oblys komandasy «Eń úzdik olimpiadalyq komanda – 2017» ataǵyn ie bolsa, Shymkent qalasyndaǵy №1 «Bilim-innovatsiia» litseii «Eń úzdik olimpiadalyq mektep» nominatsiiasyn eki jyl boiy jeńip alyp oblys mereiin arttyrýda.
Búgin respýblika boiynsha mektep túlekterine orta bilim týraly attestattar saltanatty túrde tabys etilýde. Jalpy biylǵy jyly oblysta 33 myńǵa jýyq oqýshy 11-synypty bitirse, onyń ishinde 1353 bitirýshi «Altyn belgi» belgisiniń iegeri. Al 855-i úzdik attestatpen mektepti tamamdady.
Kezdesý sońynda oblys ákimi óńirdiń mereiin asyrǵan talapty túlekterge olardyń ustazdaryna alǵys bildirip, jeńimpazdarǵa baǵaly syilyqtar men alǵys hattar tabys etti.
OQO ákiminiń baspasóz qyzmeti
