كەزدەسۋ بارىسىندا ايماق باسشىسى جەڭىمپازداردى حالىقارالىق، رەسپۋبليكالىق جەتىستىكتەرىمەن قۇتتىقتاپ، بۇل جەڭىستىڭ – ولاردىڭ تاۋداي تالاپتان، اسقان توزىمنەن، ىنتا مەن ىقىلاسىنان تۋعان جەمىس ەكەندىگىن اتاپ ءوتتى. سونداي-اق، بالالاردىڭ بۇل جەڭىسىندە اتا-انالار مەن ۇستازداردىڭ قوسقان ۇلەسى مول ەكەنىن جەتكىزدى.
– وبلىس مەرەيىن اسىرعان تالاپتى تۇلەكتەر – سىزدەرگە جانە بىلىكتى ۇستازدارىڭىزعا العىسىم ەرەكشە. ەلىمىزدى «ماڭگىلىك ەل» جاساۋدا ناعىز بولاشاق قوزعاۋشى كۇش ول جاستار. ءبىلىم بەرۋ – قاشان دا اتا-انانىڭ بالا الدىنداعى قاستەرلى قارىزى، تۇتاس قوعامنىڭ ۇرپاق الدىنداعى قاسيەتتى پارىزى. ال ءبىلىم الۋ – ەرتەڭىنىڭ ەڭسەلى بولعانىن قالايتىن قاي جاننىڭ دا جۇرەككە تۇيگەن بورىشى. وتكەن 2016 جىلى تۇلەكتەرىمىز استانا – الماتى قالالارىمەن تەڭدەي يىق تەڭەستىرىپ، ۇبت كورسەتكىشى بويىنشا رەسپۋبليكادا 18 وقۋشى ەڭ جوعارى 125 بالعا قول جەتكىزسە، سونىڭ ىشىندە 6 وقۋشى ءبىزدىڭ وبلىستىڭ تۇلەكتەرى. بۇل ءۇردىس باسەڭدەپ قالماي، الداعى ۇبت ناتيجەسى بويىنشا سىزدەر جوعارى كورسەتكىش كورسەتىپ، وبلىستىڭ ماقتانىشى بولادى دەپ سەنەمىن، – دەدى اكىم.
2016-2017 وقۋ جىلىندا وبلىستىڭ 4 وقۋشىسى حالىقارالىق وليمپيادا، 26 وقۋشى رەسپۋبليكالىق وليمپيادالاردا، 10 وقۋشى عىلىمي جوبالاردا جانە ونەر مەن سپورتتان 10 وقۋشى حالىقارالىق جۇلدەلى ورىندارعا يە بولعان. ال، رەسپۋبليكادا جاراتىلىستانۋ-ماتەماتيكا باعىتى بويىنشا وبلىس كومانداسى «ەڭ ۇزدىك وليمپيادالىق كوماندا – 2017» اتاعىن يە بولسا، شىمكەنت قالاسىنداعى №1 «ءبىلىم-يننوۆاسيا» ليسەيى «ەڭ ۇزدىك وليمپيادالىق مەكتەپ» نوميناسياسىن ەكى جىل بويى جەڭىپ الىپ وبلىس مەرەيىن ارتتىرۋدا.
بۇگىن رەسپۋبليكا بويىنشا مەكتەپ تۇلەكتەرىنە ورتا ءبىلىم تۋرالى اتتەستاتتار سالتاناتتى تۇردە تابىس ەتىلۋدە. جالپى بيىلعى جىلى وبلىستا 33 مىڭعا جۋىق وقۋشى 11-سىنىپتى بىتىرسە، ونىڭ ىشىندە 1353 ءبىتىرۋشى «التىن بەلگى» بەلگىسىنىڭ يەگەرى. ال 855ء-ى ۇزدىك اتتەستاتپەن مەكتەپتى تامامدادى.
كەزدەسۋ سوڭىندا وبلىس اكىمى ءوڭىردىڭ مەرەيىن اسىرعان تالاپتى تۇلەكتەرگە ولاردىڭ ۇستازدارىنا العىس ءبىلدىرىپ، جەڭىمپازدارعا باعالى سىيلىقتار مەن العىس حاتتار تابىس ەتتى.
وقو اكىمىنىڭ باسپا ءسوز قىزمەتى
