Ondaǵy maqsat - qaiǵydan qan jutqan ata-anany qorǵap-qolpashtaý.
Jambyl oblysynda bolǵan jaǵdai el turǵyndarynyń qabyrǵasyn qaiystyrǵany jasyryn emes. Úsh kúnnen beri qaiǵydan qan jutqan otbasyǵa jer-jerden kóńil aitylyp jatyr. Biraq oqys oqiǵaǵa anasyn, qala berdi ákimdikti aiyptaǵan sekildi túrli sypsyń sóz jandy aýyrtyp barady, - deidi qaza tapqan balalardyń týystary.
Tipti arasynda jalǵan málimet te taraýda. Sondyqtan olar telearna arqyly aqparatty burmalaýshylarǵa úndeý tastaýǵa bel býǵan.
Saidmuhammed Ábdýmálikov, marqum balalardyń týysy:
- Áleýmettik jelidegi anaý-mynaý dep, san-saqqa júgirtip, qiturqy is jasap jatqandarǵa da aitarym: Toqtatyńdar, osymen qoia qoiyńdar. Biz sonyń bárin estigen saiyn júregimiz syzdap jatyr. Bizge bergen kómekterińiz sol bolsyn.
Qaraly otbasynyń ýájin jetkizgen Saidmuhammed Ábdýmálikov: "Bul bizdiń birinshi ári sońǵy málimdememiz bolsa" - deidi. "Budan bylai eshkim bizdi mazalamaǵany, jaǵdaiǵa túsinikpen qaraǵany durys" degen pikirde. Sondai-aq ol órttiń neden shyqqanyn aityp berdi.
Saidmuhammed Ábdýmálikov, marqum balalardyń týysy:
- Órttiń bolǵany – balalar oinap sirińkemen ot jaqqan. Sodan bolyp tur ǵoi. Basqa – elektr toq, gaz, býrjýika dep, bireýler shyǵyp jatyr. Onyń bári ótirik.
Qaiǵyly jaǵdai bolǵan úidiń aýlasy lentamen qorshalyp, dalada politseiler kúzetip tur. Óitkeni páterdegi órttiń neden shyqqanyn anyqtaý úshin ishte tergeýshiler úzilissiz jumys istep jatyr. Tek osy podezdiń turǵyndaryna ǵana úiine kirýge ruqsat. Al belgili bolǵany, oqys oqiǵa bolǵan baspanaǵa bes balasynan aiyrylǵan otbasy oralmaidy. Sebebi, osy jerde turý qaiǵydan qan jutqan jandarǵa aýyr soǵatynyn eskergen týystary, erli-zaiyptyny jańa úige qonystandyrýdy uiǵarypty.
Qaraly otbasy: "Bizge moraldyq, psihologiialyq kómek bolmasa, qarjylai qoldaý qajet emes" - deidi. Degenmen jylý jinaýǵa niet bildirgen kópshilikke alǵysyn bildirdi. Al ózderiniń de erli-zaiyptyǵa baspana áperýge múmkindigi bar eken. Biraq sonda da jas otbasyǵa demeýshiler kómegimen páter beriletin bolypty.
Oljas Sailaýbekuly, Jambyl oblysy ákiminiń baspasóz hatshysy:
- Óńirdegi memlekettik qyzmetkerler bir kúndik jalaqysyn joldaityn boldy. Ata-anasyna demeýshiler esebinen úsh bólmeli páter berildi. Sarysý aýdanynyń kásipkerleri baspanaǵa qajet jihaz ben tehnikany alyp berdi. Túrli memlekettik emes qorlar men 3 mln. teńgeden astam qarjy jinalyp, materialdyq kómek kórsetildi.
Úsh kún buryn Jańatastaǵy kóp qabatty úidiń birinde órt bolyp, úlkeni 6 jasta, kenjesi 7 ailyq bes bala tútinge tunshyǵyp kóz jumǵan. Ákesi jumysta, anasy dúkenge shyǵyp ketkende balar úide qalǵan. Politseilerdiń alǵashqy boljamy – ot sirińkeden tutanǵan. Qazir órt qaýipsizdik erejelerin saqtamaý baby boiynsha is júrgizilip jatyr. Senbi kúni marqumdar jer qoinyna tapsyryldy. Al bes perzentinen birdei aiyrylǵan erli-zaiypty Úsharal aýylyndaǵy týystarynyń úiinde. Olar psihologtardyń jiti baqylaýynda.
https://www.youtube.com/watch?v=c-zejUXWKmk
