ونداعى ماقسات - قايعىدان قان جۇتقان اتا-انانى قورعاپ-قولپاشتاۋ.
جامبىل وبلىسىندا بولعان جاعداي ەل تۇرعىندارىنىڭ قابىرعاسىن قايىستىرعانى جاسىرىن ەمەس. ءۇش كۇننەن بەرى قايعىدان قان جۇتقان وتباسىعا جەر-جەردەن كوڭىل ايتىلىپ جاتىر. ءبىراق وقىس وقيعاعا اناسىن، قالا بەردى اكىمدىكتى ايىپتاعان سەكىلدى ءتۇرلى سىپسىڭ ءسوز جاندى اۋىرتىپ بارادى، - دەيدى قازا تاپقان بالالاردىڭ تۋىستارى.
ءتىپتى اراسىندا جالعان مالىمەت تە تاراۋدا. سوندىقتان ولار تەلەارنا ارقىلى اقپاراتتى بۇرمالاۋشىلارعا ۇندەۋ تاستاۋعا بەل بۋعان.
سايدمۇحاممەد ابدۋمالىكوۆ، مارقۇم بالالاردىڭ تۋىسى:
- الەۋمەتتىك جەلىدەگى اناۋ-مىناۋ دەپ، سان-ساققا جۇگىرتىپ، قيتۇرقى ءىس جاساپ جاتقاندارعا دا ايتارىم: توقتاتىڭدار، وسىمەن قويا قويىڭدار. ءبىز سونىڭ ءبارىن ەستىگەن سايىن جۇرەگىمىز سىزداپ جاتىر. بىزگە بەرگەن كومەكتەرىڭىز سول بولسىن.
قارالى وتباسىنىڭ ءۋاجىن جەتكىزگەن سايدمۇحاممەد ابدۋمالىكوۆ: "بۇل ءبىزدىڭ ءبىرىنشى ءارى سوڭعى مالىمدەمەمىز بولسا" - دەيدى. "بۇدان بىلاي ەشكىم ءبىزدى مازالاماعانى، جاعدايعا تۇسىنىكپەن قاراعانى دۇرىس" دەگەن پىكىردە. سونداي-اق ول ءورتتىڭ نەدەن شىققانىن ايتىپ بەردى.
سايدمۇحاممەد ابدۋمالىكوۆ، مارقۇم بالالاردىڭ تۋىسى:
- ءورتتىڭ بولعانى – بالالار ويناپ سىرىڭكەمەن وت جاققان. سودان بولىپ تۇر عوي. باسقا – ەلەكتر توق، گاز، بۋرجۋيكا دەپ، بىرەۋلەر شىعىپ جاتىر. ونىڭ ءبارى وتىرىك.
قايعىلى جاعداي بولعان ءۇيدىڭ اۋلاسى لەنتامەن قورشالىپ، دالادا پوليسەيلەر كۇزەتىپ تۇر. ويتكەنى پاتەردەگى ءورتتىڭ نەدەن شىققانىن انىقتاۋ ءۇشىن ىشتە تەرگەۋشىلەر ءۇزىلىسسىز جۇمىس ىستەپ جاتىر. تەك وسى پودەزدىڭ تۇرعىندارىنا عانا ۇيىنە كىرۋگە رۇقسات. ال بەلگىلى بولعانى، وقىس وقيعا بولعان باسپاناعا بەس بالاسىنان ايىرىلعان وتباسى ورالمايدى. سەبەبى، وسى جەردە تۇرۋ قايعىدان قان جۇتقان جاندارعا اۋىر سوعاتىنىن ەسكەرگەن تۋىستارى، ەرلى-زايىپتىنى جاڭا ۇيگە قونىستاندىرۋدى ۇيعارىپتى.
قارالى وتباسى: "بىزگە مورالدىق، پسيحولوگيالىق كومەك بولماسا، قارجىلاي قولداۋ قاجەت ەمەس" - دەيدى. دەگەنمەن جىلۋ جيناۋعا نيەت بىلدىرگەن كوپشىلىككە العىسىن ءبىلدىردى. ال وزدەرىنىڭ دە ەرلى-زايىپتىعا باسپانا اپەرۋگە مۇمكىندىگى بار ەكەن. ءبىراق سوندا دا جاس وتباسىعا دەمەۋشىلەر كومەگىمەن پاتەر بەرىلەتىن بولىپتى.
ولجاس سايلاۋبەك ۇلى، جامبىل وبلىسى اكىمىنىڭ باسپا ءسوز حاتشىسى:
- وڭىردەگى مەملەكەتتىك قىزمەتكەرلەر ءبىر كۇندىك جالاقىسىن جولدايتىن بولدى. اتا-اناسىنا دەمەۋشىلەر ەسەبىنەن ءۇش بولمەلى پاتەر بەرىلدى. سارىسۋ اۋدانىنىڭ كاسىپكەرلەرى باسپاناعا قاجەت جيھاز بەن تەحنيكانى الىپ بەردى. ءتۇرلى مەملەكەتتىك ەمەس قورلار مەن 3 ملن. تەڭگەدەن استام قارجى جينالىپ، ماتەريالدىق كومەك كورسەتىلدى.
ءۇش كۇن بۇرىن جاڭاتاستاعى كوپ قاباتتى ءۇيدىڭ بىرىندە ءورت بولىپ، ۇلكەنى 6 جاستا، كەنجەسى 7 ايلىق بەس بالا تۇتىنگە تۇنشىعىپ كوز جۇمعان. اكەسى جۇمىستا، اناسى دۇكەنگە شىعىپ كەتكەندە بالار ۇيدە قالعان. پوليسەيلەردىڭ العاشقى بولجامى – وت سىرىڭكەدەن تۇتانعان. ءقازىر ءورت قاۋىپسىزدىك ەرەجەلەرىن ساقتاماۋ بابى بويىنشا ءىس جۇرگىزىلىپ جاتىر. سەنبى كۇنى مارقۇمدار جەر قوينىنا تاپسىرىلدى. ال بەس پەرزەنتىنەن بىردەي ايىرىلعان ەرلى-زايىپتى ءۇشارال اۋىلىنداعى تۋىستارىنىڭ ۇيىندە. ولار پسيحولوگتاردىڭ ءجىتى باقىلاۋىندا.
https://www.youtube.com/watch؟v=c-zejUXWKmk
