Ońtústiktiń syrtqy saýda ainalymy 1,1 mlrd. dollarǵa jetti
Oblys ekonomikasynyń damýyna serpin beretin jalpy óńirlik ónim kólemi sońǵy 6 aida 1,1 trln teńgeni qurapty. Bul rette negizgi úlesti ónerkásip, aýyl sharýashylyǵy men qurylys salasy qosyp otyr. Jalpy óńirimizdegi ónerkásip salasy óńdeý, taý-ken, bý, elektrmen jabdyqtaý, gaz, bý berý jáne aýa baptaý ónerkásibinen quralady. Sońǵy 6 aida óńdeý salasynda 250,4 mlrd teńgeniń ónimi óndirilgen. Ósim negizinen tamaq ónimderin óndirý, farmatsevtikalyq, metallýrgiia, mashina jasaý, jeńil ónerkásip ónimderi esebinen júzege asyp otyr.
– Oblysymyzdaǵy indýstrialandyrý kartasynyń ekinshi bes jyldyǵy josparyna sai 135 jobany júzege asyrý josparda bar. Onyń ishinde aǵymdaǵy jyly 17 jobany iske asyrý kózdelýde. Atalǵan 17 jobanyń jalpy quny – 37 mlrd teńgeni quraidy. Eger jobalar tolyq iske assa, 909 jańa jumys orny ashylatyn bolady, – deidi Arman Sábitov.
Óńirde saýda salasynda damý baiqalady. Sońǵy 6 aida bólshek saýda ainalymy 182,3 mlrd teńgeni qurap, 18 mlrd teńgege artqan. Al, syrtqy saýda ainalymy 1,1 mlrd AQSh dollaryna jetse, onyń ishinde eksport – 468,3 mln AQSh dollaryn, import – 620,6 mln. AQSh dollaryn qurap otyr. Eksportqa negizinen et, tamaq ónimderi, dári-dármek, metall, mashina, qural-jabdyq, toqyma buiymdary shyǵarylýda.
Aita keteiik, oblystyń eksport qurylymynda Niderlandy, Ózbekstan, Resei, Qytai jáne Aýǵanystan memleketteriniń úlesi mol.
OQO ákiminiń baspasóz qyzmeti
