وڭتٷستٸكتٸڭ سىرتقى ساۋدا اينالىمى 1,1 ملرد. دوللارعا جەتتٸ
وبلىس ەكونوميكاسىنىڭ دامۋىنا سەرپٸن بەرەتٸن جالپى ٶڭٸرلٸك ٶنٸم كٶلەمٸ سوڭعى 6 ايدا 1,1 ترلن تەڭگەنٸ قۇراپتى. بۇل رەتتە نەگٸزگٸ ٷلەستٸ ٶنەركەسٸپ, اۋىل شارۋاشىلىعى مەن قۇرىلىس سالاسى قوسىپ وتىر. جالپى ٶڭٸرٸمٸزدەگٸ ٶنەركەسٸپ سالاسى ٶڭدەۋ, تاۋ-كەن, بۋ, ەلەكترمەن جابدىقتاۋ, گاز, بۋ بەرۋ جەنە اۋا باپتاۋ ٶنەركەسٸبٸنەن قۇرالادى. سوڭعى 6 ايدا ٶڭدەۋ سالاسىندا 250,4 ملرد تەڭگەنٸڭ ٶنٸمٸ ٶندٸرٸلگەن. ٶسٸم نەگٸزٸنەن تاماق ٶنٸمدەرٸن ٶندٸرۋ, فارماتسەۆتيكالىق, مەتاللۋرگييا, ماشينا جاساۋ, جەڭٸل ٶنەركەسٸپ ٶنٸمدەرٸ ەسەبٸنەن جٷزەگە اسىپ وتىر.
– وبلىسىمىزداعى يندۋستريالاندىرۋ كارتاسىنىڭ ەكٸنشٸ بەس جىلدىعى جوسپارىنا ساي 135 جوبانى جٷزەگە اسىرۋ جوسپاردا بار. ونىڭ ٸشٸندە اعىمداعى جىلى 17 جوبانى ٸسكە اسىرۋ كٶزدەلۋدە. اتالعان 17 جوبانىڭ جالپى قۇنى – 37 ملرد تەڭگەنٸ قۇرايدى. ەگەر جوبالار تولىق ٸسكە اسسا, 909 جاڭا جۇمىس ورنى اشىلاتىن بولادى, – دەيدٸ ارمان سەبيتوۆ.
ٶڭٸردە ساۋدا سالاسىندا دامۋ بايقالادى. سوڭعى 6 ايدا بٶلشەك ساۋدا اينالىمى 182,3 ملرد تەڭگەنٸ قۇراپ, 18 ملرد تەڭگەگە ارتقان. ال, سىرتقى ساۋدا اينالىمى 1,1 ملرد اقش دوللارىنا جەتسە, ونىڭ ٸشٸندە ەكسپورت – 468,3 ملن اقش دوللارىن, يمپورت – 620,6 ملن. اقش دوللارىن قۇراپ وتىر. ەكسپورتقا نەگٸزٸنەن ەت, تاماق ٶنٸمدەرٸ, دەرٸ-دەرمەك, مەتالل, ماشينا, قۇرال-جابدىق, توقىما بۇيىمدارى شىعارىلۋدا.
ايتا كەتەيٸك, وبلىستىڭ ەكسپورت قۇرىلىمىندا نيدەرلاندى, ٶزبەكستان, رەسەي, قىتاي جەنە اۋعانىستان مەملەكەتتەرٸنٸڭ ٷلەسٸ مول.
وقو ەكٸمٸنٸڭ باسپاسٶز قىزمەتٸ
