Atap aıtqanda, talshyqtyń shyǵýy 30 paıyzǵa artyq ári sapasy joǵary, elektr qýatynyń shyǵyny 25-30 paıyzǵa únemdeledi jáne maqtany óńdeý merzimi 30 paıyzǵa qysqarǵan. Jobada paıdalanylǵan ınovasıalyq tehnologıalar TMD elderinde teńdesi joq óndiris bolyp tabylady.
«Maqta zaýytymyzdaǵy ınvestısıalyq joba 2013 jyly óńirlik úılestirý keńesinde (ÓÚK) maquldanyp, ındýstrıaldy kartaǵa eńgizilgen bolatyn. Sóıtip, atalmysh jobany 2014 jyly iske qostyq. Búginde zaýyttyń jalpy quny 1 mıllıard teńgeni quraıdy. Munda 120 adam merzimdi jumys ornymen qamtylǵan», - deıdi zaýyttyń bas ınjeneri Asylbek Jamalov.
2014 jyly «Údemeli ındýstrıaldy-ınnovasıalyq damý» memlekettik baǵdarlamasy aıasynda iske qosylǵan kásiporyn bıyldyń ózinde 60 myń tonna maqta talshyǵyn ázirleýdi josparlap otyr. Táýligine munda 40 tonna maqta talshyǵy óndiriledi. Daıyn ónim Shymkenttegi maqta toqyma zaýytyna jóneltiledi. Zaýyt qajettiliginen artylǵan talshyqtar Chehıa men Úndistan memleketterine saýdalanady eken.
Osylaısha «Myrzakent» JSHS-gi maqtany ósirip qana qoımaı ony qaıta óńdeý isimen de aınalysyp jatyr. Sondaı-aq, bul kásiporyn óńir maqtashylarynan tıimdi baǵada aq altyn qabyldap, qambasyn shıkizatpen toltyrýda.
OQO ákiminiń baspasóz qyzmeti
