اتاپ ايتقاندا، تالشىقتىڭ شىعۋى 30 پايىزعا ارتىق ءارى ساپاسى جوعارى، ەلەكتر قۋاتىنىڭ شىعىنى 25-30 پايىزعا ۇنەمدەلەدى جانە ماقتانى وڭدەۋ مەرزىمى 30 پايىزعا قىسقارعان. جوبادا پايدالانىلعان يننوۆاسيالىق تەحنولوگيالار تمد ەلدەرىندە تەڭدەسى جوق ءوندىرىس بولىپ تابىلادى.
«ماقتا زاۋىتىمىزداعى ينۆەستيسيالىق جوبا 2013 جىلى وڭىرلىك ۇيلەستىرۋ كەڭەسىندە (وۇك) ماقۇلدانىپ، يندۋستريالدى كارتاعا ەڭگىزىلگەن بولاتىن. ءسويتىپ، اتالمىش جوبانى 2014 جىلى ىسكە قوستىق. بۇگىندە زاۋىتتىڭ جالپى قۇنى 1 ميلليارد تەڭگەنى قۇرايدى. مۇندا 120 ادام مەرزىمدى جۇمىس ورنىمەن قامتىلعان»، - دەيدى زاۋىتتىڭ باس ينجەنەرى اسىلبەك جامالوۆ.
2014 جىلى «ۇدەمەلى يندۋستريالدى-يننوۆاسيالىق دامۋ» مەملەكەتتىك باعدارلاماسى اياسىندا ىسكە قوسىلعان كاسىپورىن بيىلدىڭ وزىندە 60 مىڭ توننا ماقتا تالشىعىن ازىرلەۋدى جوسپارلاپ وتىر. تاۋلىگىنە مۇندا 40 توننا ماقتا تالشىعى وندىرىلەدى. دايىن ءونىم شىمكەنتتەگى ماقتا توقىما زاۋىتىنا جونەلتىلەدى. زاۋىت قاجەتتىلىگىنەن ارتىلعان تالشىقتار چەحيا مەن ءۇندىستان مەملەكەتتەرىنە ساۋدالانادى ەكەن.
وسىلايشا «مىرزاكەنت» جشس-گى ماقتانى ءوسىرىپ قانا قويماي ونى قايتا وڭدەۋ ىسىمەن دە اينالىسىپ جاتىر. سونداي-اق، بۇل كاسىپورىن ءوڭىر ماقتاشىلارىنان ءتيىمدى باعادا اق التىن قابىلداپ، قامباسىن شيكىزاتپەن تولتىرۋدا.
وقو اكىمىنىڭ باسپا ءسوز قىزمەتى
