Erekshe jeti sharanyń biri Ulttyq kitaphanada Elbasymyzdyń «Bolashaqqa baǵdar: rýhanı jańǵyrý» baǵdarlamalyq maqalasy sheńberinde shyǵarylǵan «Tulǵa. Táýelsizdik. Tarıh», «Jahan tanyǵan jeti tulǵa» kitaptary men Astana qalasynyń oqýshylar saraıynda «Kúsh atasy – Qajymuqan» anımasıalyq fılminiń tusaýkeseri.
Ekinshiden, «Qazmunaıgaz» kompanıasynyń ǵımaratynan bastap, «Nurjol» gúlzary boıymen «Báıterek» alańyna deıin «Túrki eliniń túp tamyry – Ońtústikten mereıli Astanaǵa sálem!» atty ejelgi tarıhymyzdan syr shertetin buıymdar tıelgen túıelerdiń, attardyń kerýeni.
Úshinshisi, «Báıterek» alańynda bir ýaqytta 600 jas dombyrashynyń oryndaýyndaǵy kúı. Al tórtinshiden, oblys jastary «Qurban aıt» merekesine oraı, qoǵamdyq kólikterde adam kóp shoǵyrlanatyn jerlerde 5 myń adamǵa baýyrsaq, tátti nan taratyp, merekemen quttyqtaıtyn bolady.
Besinshiden, «Qurban aıt» merekesiniń birinshi kúninde etnoaýylda 5000 adamǵa arnalyp palaý pisirilip, «1 qaýyn, 1 qarbyz» ataýymen 40 tonna qaýyn-qarbyz áleýmettik tómen otbasylarǵa tegin taratylady. Al «Báıterek» monýmentiniń aldynda ońtústikqazaqstandyq ónertapqysh Bókebaev Erkinbek qurastyrǵan qazaq arbasymen elorda turǵyndary men qonaqtaryna aıttyq dám usynylady, bul erekshe sharanyń altynshysy. Jetinshiden, 1-2 qyrkúıek kúnderi eki qabatty aǵylshyn avtobýsymen elordanyń adam kóp shoǵyrlanatyn jerleri men «Máńgilik el», «Saryarqa» jáne t.b. basty kóshelerinde mýzykalyq sherý uıymdastyrylady.
Atalǵan negizgi 7 sharadan basqa da baǵdarlamaǵa sáıkes oblystyń salt-dástúrin, ádet-ǵurpyn, mádenıeti men baılyǵyn pash etetin jalpy sany 43 mádenı kópshilik is-sharasy ótedi.
OQO ákiminiń baspasóz qyzmeti
