ەرەكشە جەتى شارانىڭ ءبىرى ۇلتتىق كىتاپحانادا ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى شەڭبەرىندە شىعارىلعان «تۇلعا. تاۋەلسىزدىك. تاريح»، «جاھان تانىعان جەتى تۇلعا» كىتاپتارى مەن استانا قالاسىنىڭ وقۋشىلار سارايىندا «كۇش اتاسى – قاجىمۇقان» انيماسيالىق ءفيلمىنىڭ تۇساۋكەسەرى.
ەكىنشىدەن، «قازمۇنايگاز» كومپانياسىنىڭ عيماراتىنان باستاپ، «نۇرجول» گۇلزارى بويىمەن «بايتەرەك» الاڭىنا دەيىن «تۇركى ەلىنىڭ ءتۇپ تامىرى – وڭتۇستىكتەن مەرەيلى استاناعا سالەم!» اتتى ەجەلگى تاريحىمىزدان سىر شەرتەتىن بۇيىمدار تيەلگەن تۇيەلەردىڭ، اتتاردىڭ كەرۋەنى.
ءۇشىنشىسى، «بايتەرەك» الاڭىندا ءبىر ۋاقىتتا 600 جاس دومبىراشىنىڭ ورىنداۋىنداعى كۇي. ال تورتىنشىدەن، وبلىس جاستارى «قۇربان ايت» مەرەكەسىنە وراي، قوعامدىق كولىكتەردە ادام كوپ شوعىرلاناتىن جەرلەردە 5 مىڭ ادامعا باۋىرساق، ءتاتتى نان تاراتىپ، مەرەكەمەن قۇتتىقتايتىن بولادى.
بەسىنشىدەن، «قۇربان ايت» مەرەكەسىنىڭ ءبىرىنشى كۇنىندە ەتنواۋىلدا 5000 ادامعا ارنالىپ پالاۋ ءپىسىرىلىپ، «1 قاۋىن، 1 قاربىز» اتاۋىمەن 40 توننا قاۋىن-قاربىز الەۋمەتتىك تومەن وتباسىلارعا تەگىن تاراتىلادى. ال «بايتەرەك» مونۋمەنتىنىڭ الدىندا وڭتۇستىكقازاقستاندىق ونەرتاپقىش بوكەبايەۆ ەركىنبەك قۇراستىرعان قازاق ارباسىمەن ەلوردا تۇرعىندارى مەن قوناقتارىنا ايتتىق ءدام ۇسىنىلادى، بۇل ەرەكشە شارانىڭ التىنشىسى. جەتىنشىدەن، 1-2 قىركۇيەك كۇندەرى ەكى قاباتتى اعىلشىن اۆتوبۋسىمەن ەلوردانىڭ ادام كوپ شوعىرلاناتىن جەرلەرى مەن «ماڭگىلىك ەل»، «سارىارقا» جانە ت.ب. باستى كوشەلەرىندە مۋزىكالىق شەرۋ ۇيىمداستىرىلادى.
اتالعان نەگىزگى 7 شارادان باسقا دا باعدارلاماعا سايكەس وبلىستىڭ ءسالت-داستۇرىن، ادەت-عۇرپىن، مادەنيەتى مەن بايلىعىن پاش ەتەتىن جالپى سانى 43 مادەني كوپشىلىك ءىس-شاراسى وتەدى.
وقو اكىمىنىڭ باسپا ءسوز قىزمەتى
