On páterden bolatyn eki qabatty tıptik úlgidegi turǵyn úılerdiń qurylysy birinshi jartyjyldyqta aıaqtalady dep josparlanýda. Bul maqsattaǵy turǵyn úılerge oblystyq búdjetten 1,6 mlrd. teńge kóleminde qarjy bólinip otyr. Atalǵan baspanalar muǵalimder men medısına jáne jergilikti polıasıa qyzmetkerlerine, taǵy basqa da búdjet salasynda eńbek etetin azamattarǵa úlestirilmek.
Eske salsaq, ótken jyly aımaq basshysy jańa oqý jyly bastalǵan ýaqytta muǵalimder men medısına salasynyń qyzmetkerlerin qyzmettik pátermen qamtý úshin barlyq aýdan, qalalardan tıptik úlgidegi turǵyn úıler salýdy qolǵa alýdy tapsyrǵan bolatyn. Osy baǵyttaǵy jumystardy úılestirýdi qurylys basqarmasyna júktegen.
Búginde jobalyq smetalyq qujattamasy ázirlenip, basqarma tarapynan tıisti jumystar atqarylýda. Aıta keteıik, atalǵan turǵyn úıler aýdan men qaladaǵy 20 eldi mekende, ıaǵnı, Túlkibasta – 3, Tólebıde – 1, Túlkibas– 2, Báıdibek – 2, Shardara – 2, Sozaqta – 2 jáne Arysta – 2, Kentaýda – 3, Túrkistanda – 3-eýi salynady.
OQO ákiminiń baspasóz qyzmeti
