Ońtústikten shyǵatyn 150 dári jyl sońyna deiin qymbattamaidy
Oblys ákimdikte ótken memorandýmǵa qol qoiý sharasyna oblys ákimi Janseiit Túimebaev pen dárihana uiymdary tarapynan 40 farmatsevtikalyq uiym basshysy qatysty. Endi otandyq dárilik zattar men meditsinalyq buiymdardy óndirýshi kompaniialar men sheteldik taýarlardyń resmi distribiýtorlary 150 dárilik zattyń baǵasyn jyl sońyna deiin kótermeitin bolyp kelisti. Bul halyq basy aýyryp baltyry syzdaǵanda jii ishetin, aýyrsynýdy dene qyzýyn basatyn meditsinalyq preparattar bolyp tabylady.
Memorandým maqsaty – oblys halqyn qolaily baǵada sapaly dárilik zattarmen qamtamasyz etý, ári ózara yntymaqtastyq ornatý.
– Memorandýmǵa 150 túrli dári-dármek engizilip otyr. Qol qoiylǵan Memorandýmnyń nátijesi aiasynda 2017 jylǵa qarastyrylǵan dəri-dármekterdiń 150 ataýynyń ishindegi 13 túriniń baǵasy edáýir tómendetiledi. Bul dárilerdiń áleýmettik mańyzy zor. Osylaisha biz oblys turǵyndarynyń basym bóligine qoldaý kórsetemiz. Halyqtyń áleýmettik álsiz toptaryna qoldap, kelisimge qol qoiyp otyrǵan dárihana basshylaryna Ońtústik jurtynyń atynan rizashylyǵymdy bildiremin, – dedi Janseiit Qanseiituly.
Ortaq maqsattaǵy kelisimge sáikes júrek-qan tamyrlary aýrýyna, qabynýǵa qarsy, analgetikter, antigistaminder, asqazan men gipotenzivti preparattar, kóz jáne qulaq tamshylary men dárýmenderdiń baǵasyn bir deńgeide ustap turýdy mekeme ókilderine óz jaýapkershilikterine alyp otyr.
Farmatsevtikalyq qyzmetti baqylaý departamentiniń basshysy L. Qashqymbaeva iri tasymaldaýshy firmalarmen kelisim-sharttar jasalyp jatqanyna toqtaldy. Sondai-aq, dárihanalar jelileriniń áleýmettik jaýapkershiligi týrasynda atqaryp jatqan jumystaryn baiandady. Kezdesýge qatysýshylar tiisti memorandýmǵa qol qoiý halyq arasynda áleýmettik turaqtylyqty qamtamasyz etýde mańyzdy qadam dep otyr.
OQO ákiminiń baspasóz qyzmeti
