Ońtústik Qazaqstan oblysynyń ákimi, oblystyq Qazaqstan halqy Assambleiasynyń tóraǵasy J.Túimebaevtyń qatysýymen ótken jiynǵa etnomádeni birlestikter tóraǵalary men músheleri, aýdan, qala ákimderi, oblystyq máslihat depýtattary jáne ziialy qaýym men jastar, BAQ ókilderi syndy jalpy sany 1 myńnan astam adam qatysty.
Sessiia jumysyna tóraǵalyq etken aimaq basshysy, Elbasy Nursultan Nazarbaev «Bes áleýmettik bastama - qoǵamnyń áleýmettik birliginiń tuǵyry» taqyrybymen ótken Qazaqstan halqy Assambleiasynyń HHVI sessiiasynda júktegen birqatar mindet-maqsattardyń oblysta júzege asyrylý barysyna toqtaldy.
Búgingi sessiiada Elbasynyń bes áleýmettik bastamasyn oblysta iske asyrylýy saralanady. Bul baiypty bastamalar – áleýmettik memleket qurýdy kózdeidi. Ol árbirimizge áleýmettik jaýapkershilik júktep, aýyzbirligimizdi odan ári bekemdeýge jeteleidi. Qazaqstandyqtar Táýelsizdik bergen tolaǵai tabystarǵa kýá.
Osy jyldardaǵy basty jetistigimiz – biyl 20 jyldyǵy atalyp ótiletin eńseli Elordamyz.Ulystyń uiytqysy, salt-sananyń arqaý ordasy bolyp tanylǵan Ońtústik óńiri de osy kezeń ishinde beldi belesterdi baǵyndyryp, tolaiym tabystarǵa jetti. Altyn qursaqty aimaq turǵyndyrynyń sany táýelsizdik jyldarynda millionǵa artsa, shyraily Shymkentimiz milliondyq belesti baǵyndyrdy, – dedi oblys ákimi.
Assambleianyń HHVI sessiiasynda kóterilgen «Qazaqtaný» jobasy týraly «Tsesnabank» AQ qyzmetkeri jáne qazaq kelini Iýliia Drobiazko qazaqtaný boiynsha arnaiy baǵdarlama qabyldansa degen oiyn jetkizdi.
– Men, Iýliia Drobiazko. Júregim keń-baitaq qazaq dalasyn Otanym dep biletin orys qyzymyn. Búginde berekeli qazaq otbasynyń tútinin tútetip otyrǵan inabatty kelin ári 2 balanyń ardaqty anasymyn. 2005 jyly Elbasy Nursultan Nazarbaev oblysqa jasaǵan sapary aiasynda oblys jastarymen júzdesti. Atalǵan jiynda Prezidenttiń janynda sóz sóileý qurmetine ie boldym.
Búkil el aldynda Elbasyǵa bolashaqta qazaq jigitine turmysqa shyǵyp, qazaqtyń sanyn kóbeitýge ýáde berdim. Prezidenttiń aldynda sóz sóilep, ýáde berý úlken mártebe ári jaýapkershilik bolsa, ony oryndaý men úshin mereili mindet dep bildim. Mine, búginde sol ýádemde turyp, qazaq jigitine turmysqa shyqtym. Joldasym – qazaq. Balalarym qazaq.
Ózim de qazaq bop ketkenmin. Otyrardaǵy úlgili kelinderdiń sanatyndamyn. Qazaqtyń kelini bolý – keremet, eń bastysy – aǵaiyn-týystardyń kóptigi. Otbasymyzben qazaq, orys meiramdaryn atap ótemiz. Ózara qazaq-orys tilderinde sóilesemiz. Qurmetti Janseiit Qanseiituly! Biylǵy assambleianyń jiyrma altynshy sessiiasynda ońtústik atynan sóz sóilegen Natalia Romanova onda birqatar máselelerdi aityp, Elbasy aldynda qazaqtaný máselesin kótergen bolatyn. Men ózim bul usynysqa tolyqqandy kelisemin jáne qoldaimyn jáne qazaqtaný boiynsha arnaiy baǵdarlama qabyldansa degen oiym bar, – dedi Iýliia Drobiazko.
Sessiia barysynda oblystyń qoǵamdyq-saiasi ómirine belsene qatysyp, qoǵamdyq kelisim men jalpyulttyq birlikti qamtamasyz etý jónindegi memlekettik saiasattyń iske asýyna qosqan eleýli úlesi úshin oblys ákiminiń Alǵys hatymen oblystyq korei etnomádeni birlestiginiń tóraiymy Pak Roza Viktorovna men oblystyq grýzin etnomádeni birlestiginiń tóraǵasy Bochorashvili Zaal Rezoevich marapattaldy.
Elbasy aiqyndaǵan bes áleýmettik bastamany batyl iske asyrýdy aitqan oblys ákimi sessiiany qorytyndylap, oblystyq basqarmalar men aýdan, qala ákimdikterine birqatar naqty tapsyrmalar júktedi. Sonymen qatar, ákim etnostyq toptar jinaqy turatyn Sairam, Maqtaral, Saryaǵash, Tólebi aýdandary men Túrkistan qalasynda biznestiń áleýmettik jaýapkershilgi aiasynda «Dostyq» úilerin ashýdy tapsyrdy.
OQO ákiminiń baspasóz qyzmeti
