Fotosýretshiler kezdesýine Túrkıa, Qyrǵyzstan, Túrkimenstan, Ózbekstan, Ázerbaıjan, Tatarstan men Qazaqstannyń Astana, Almaty, Ońtústik Qazaqstan oblystarynan kásibı 16 fotosýretshi shaqyryldy.
Túrkistan qalasyndaǵy tarıhı-mádenı etnografıalyq ortalyq bazasyndaǵy kedesýge qatysqan oblys ákiminiń orynbasary U.Sádibekov - qoǵam shyndyǵyn tarıhta qaldyratyn fotosýretshiler ekenin atap ótti.
«Jalpy fotoóner degenimiz - fotosýretti negizgi oıdy bildirý quraly retinde qoldanatyn ónerdiń erekshe túri. Sonymen qatar, fotoóner – jýrnalısıkanyń ushqyr salasy. Ol – qasqaǵym sáttiń shejiresi. Erekshe qyraǵylyqty, eptilik pen qaǵilezdikti talap etedi. Kásibı maman túsirgen sýrettiń ózi «sóılep» turady. Búginde taqyrypty bir kadrmen-aq ashatyn, tosyn sátti qaǵyp túsip, adamnyń bolmysyn qasqaǵym sáttik beıne arqyly ashatyn sheberler az desek, solardyń biregeıleri – búgingi kezdesýde jınalyp otyr»,-dedi U.Sádibekov.
Bul sharany uıymdastyrýdyń negizgi maqsaty - Táýelsiz elimizdiń tarıhı-mádenı muralaryn, sáýlettik eskertkishterin, salt-dástúrin, ádet-ǵurpyn tarıhı oryndary men ásem tabıǵatyn nasıhattaý arqyly túrki tildes elderdiń talantty fotosýretshilerimen tájirıbe almasý bolyp tabylady.
Fotosýretshiler 4 shyǵarmyshylyq topqa bólinip, ońtústik óńiriniń barlyq aýdandary men qalalarynda, tarıhı-mádenı eskertkish oryndarynda jumys jasady. Jekelep aıtsaq, İ-shi top Túrkistan, Kentaý, Otyrar, Qarataý qoryǵy aımaqtarynda, İİ-shi top Saryaǵash, Qazyǵurt, Jetisaı aýdandary men qalalarynda, İİİ-shi top Sozaq, Báıdibek, İV-shi top Túlkibas, Tóle bı, Saıram aýdandarynda shyǵarmashylyq foto jumystar jasady. Túsirilgen fotosýretterden arnaıy kórmege 100 dana foto jumystar qoıyldy.
OQO ákiminiń baspasóz qyzmeti
