فوتوسۋرەتشىلەر كەزدەسۋىنە تۇركيا، قىرعىزستان، تۇركىمەنستان، وزبەكستان، ازەربايجان، تاتارستان مەن قازاقستاننىڭ استانا، الماتى، وڭتۇستىك قازاقستان وبلىستارىنان كاسىبي 16 فوتوسۋرەتشى شاقىرىلدى.
تۇركىستان قالاسىنداعى تاريحي-مادەني ەتنوگرافيالىق ورتالىق بازاسىنداعى كەدەسۋگە قاتىسقان وبلىس اكىمىنىڭ ورىنباسارى ۇ.سادىبەكوۆ - قوعام شىندىعىن تاريحتا قالدىراتىن فوتوسۋرەتشىلەر ەكەنىن اتاپ ءوتتى.
«جالپى فوتوونەر دەگەنىمىز - فوتوسۋرەتتى نەگىزگى ويدى ءبىلدىرۋ قۇرالى رەتىندە قولداناتىن ونەردىڭ ەرەكشە ءتۇرى. سونىمەن قاتار، فوتوونەر – جۋرناليستيكانىڭ ۇشقىر سالاسى. ول – قاسقاعىم ءساتتىڭ شەجىرەسى. ەرەكشە قىراعىلىقتى، ەپتىلىك پەن قاعىلەزدىكتى تالاپ ەتەدى. كاسىبي مامان تۇسىرگەن سۋرەتتىڭ ءوزى «سويلەپ» تۇرادى. بۇگىندە تاقىرىپتى ءبىر كادرمەن-اق اشاتىن، توسىن ءساتتى قاعىپ ءتۇسىپ، ادامنىڭ بولمىسىن قاسقاعىم ساتتىك بەينە ارقىلى اشاتىن شەبەرلەر از دەسەك، سولاردىڭ بىرەگەيلەرى – بۇگىنگى كەزدەسۋدە جينالىپ وتىر»،-دەدى ۇ.سادىبەكوۆ.
بۇل شارانى ۇيىمداستىرۋدىڭ نەگىزگى ماقساتى - تاۋەلسىز ەلىمىزدىڭ تاريحي-مادەني مۇرالارىن، ساۋلەتتىك ەسكەرتكىشتەرىن، ءسالت-داستۇرىن، ادەت-عۇرپىن تاريحي ورىندارى مەن اسەم تابيعاتىن ناسيحاتتاۋ ارقىلى تۇركى تىلدەس ەلدەردىڭ تالانتتى فوتوسۋرەتشىلەرىمەن تاجىريبە الماسۋ بولىپ تابىلادى.
فوتوسۋرەتشىلەر 4 شىعارمىشىلىق توپقا ءبولىنىپ، وڭتۇستىك ءوڭىرىنىڭ بارلىق اۋداندارى مەن قالالارىندا، تاريحي-مادەني ەسكەرتكىش ورىندارىندا جۇمىس جاسادى. جەكەلەپ ايتساق، ءى-شى توپ تۇركىستان، كەنتاۋ، وتىرار، قاراتاۋ قورىعى ايماقتارىندا، ءىى-شى توپ سارىاعاش، قازىعۇرت، جەتىساي اۋداندارى مەن قالالارىندا، ءىىى-شى توپ سوزاق، بايدىبەك، ءىVء-شى توپ تۇلكىباس، تولە بي، سايرام اۋداندارىندا شىعارماشىلىق فوتو جۇمىستار جاسادى. تۇسىرىلگەن فوتوسۋرەتتەردەن ارنايى كورمەگە 100 دانا فوتو جۇمىستار قويىلدى.
وقو اكىمىنىڭ باسپا ءسوز قىزمەتى
