Jıyn barysynda óńir basshysy ekonomıkany ártaraptandyrý jáne ony damytý úshin ınvestorlarǵa qolaıly ahýal jasaý, ınvestısıa salasyna baılanysty normatıvtik-quqyqtyq bazany jetildirý qajettigine toqtaldy. Keńeste Úkimet basshysynyń qatysýymen ótken jıynda oblysymyzda júzege asyrylyp otyrǵan jobalardyń iske asý barysy talqylandy.
– Ońtústik Qazaqstan oblysy agrarlyq aımaq. Basqa salalarda da basymdyqtarǵa ıemiz. Sondyqtan «Kazakh Invest» aksıonerlik qoǵamynyń óńirlik fılalynyń jumysyn kúsheıtý qajet. Elordamyz Astana qalasy men basqa óńirlerde ótip jatqan halyqaralyq mańyzǵa ıe bıznes sharalarǵa belsene qatysyp, ınvestorlardy tartýǵa yqpal etýi kerek. Sondaı-aq, oblys ákimdigine qarasty barlyq basqarmalar men qurylymdar ınvestorlarmen jumys isteýde mádınetti jáne barlyq talaptarǵa laıyqty bolýy tıis. İske qosylǵaly otyrǵan kásiporyndardy qajetti ınfraqurylymdyq júıelermen der kezinde qamtýǵa negizgi basymdyq berilýi kerek, – dedi Janseıit Qanseıituly.
Keńes barysynda oblys ákimi «Asia Trafo», «Gold Aluminum», «Green Technology», «Golden Camel Group Ltd» kompanıalarynyń basshylarynyń ótinish-tilekterin tyńdady. «Asia Trafo» JSHS dırektory Serǵazy Kúntýarov elektr men gaz qajettigin jetkizse, «Green Technology» Jeńisbaı Sultanov qondyrǵylardy iske qosýǵa keletin sheteldik mamandardyń vıza máselesin kóterdi. «Golden Camel Group Ltd» kompanıasynyń basshysy Lı Hýeı bıylǵy jaqyn arada 30-ǵa jýyq jergilikti turǵyndardy jumysqa qabyldaıtynyn jetkizdi. Osy rette sóz alǵan oblys ákimi qurǵaq shubat óndiretin kásiporynǵa qajetti túıe sútiniń kólemine alańdaýshylyq bildirdi. Onyń 9 myńy ǵana analyq sanalady.
Jalpy Jambyl, Ońtústik Qazaqstan, Qyzylorda oblysytaryndaǵy túıe sany 70 myńnan asady. Osyny eskergen óńir basshysy aldaǵy ýaqytta ózge oblystarmen de tyǵyz baılanys ornatyp, zaýyttyń qajettiligin oryndap otyrýǵa bolatynyn jetkizdi. Sondaı-aq, tıisti basqarma basshylaryna óńirimizdegi túıe sharýashylyǵyn damytý maqsatynda naqty tapsyrmalar júktedi.
OQO ákiminiń baspasóz qyzmeti
