Basqarma basshysynyń málimetinshe, osy jyldyń segiz aıynda oblystaǵy ónerkásip kásiporyndarymen 510,1 mlrd. teńgeniń ónimi óndirilgen. Onyń ishinde óńdeý ónerkásibimen 353 mlrd. tg. ónimi óndirildi.
Sonymen qatar, ol óńirde kásipkerlikti qoldaý maqsatynda Indýstrıaldy-ınnovasıalyq damý baǵdarlamasy sátti júrgizilip jatqanyn atap ótti.
– Indýstrıalyq-ınnovasıalyq damý baǵdarlamasy sheńberinde 2015-2019 jyldary Kásipkerlikti qoldaý kartasy boıynsha quny 1,2 trln. teńgege 17,5 myńnan astam jumys ornyn quraıtyn 135 jobany iske asyrý josparlanǵan. Búgingi tańda memlekettik baǵdarlamanyń aıasynda 47,7 mlrd. tg. quraıtyn 49 joba iske asyryldy. Onda 1900-den astam turaqty jumys orny ashyldy. 2017 jyly 37 mlrd. teńgeni quraıtyn 17 jobany iske qosý kózdelgen. Esepti kezeńde quny 2,3 mlrd. teńgeni quraıtyn 5 joba iske qosyldy, – dedi basqarma basshysy.
Jalpy jyldyń sońyna deıin 34,7 mlrd. teńgeni quraıtyn 12 joba iske qosylady. Búgingi tańda iske qosylǵan jobalardyń 94%-y josparlyq qýattylyqty ıgerip, 71 mlrd.teńgeniń ónimin óndirdi. Óńdeý ónerkásibindegi úlesi 21 paıyzǵa jetken.
Budan bólek, Batyrhan Qurmanseıit «Ońtústik» arnaıy ekonomıkalyq aımaǵynda jalpy ınvestısıa sommasy 34,3 mlrd. teńgeni quraıtyn 10 joba júzege asyrylǵanyn atap ótti. Iaǵnı bul kásiporyndarmen 22,7 mlrd. teńgege ónim óndirilse, óndirilgen taýarlar Germanıa, Anglıa, Koreıa, Túrkıa, Reseı syndy 15-ten astam elderge eksporttalǵan. Atalaǵan aımaqta osy jyldyń sońynda jalpy ınvestısıa kólemi 2,6 mlrd. teńge quraıtyn 3 joba iske qosylady dep kútilýde.
OQO ákiminiń baspasóz qyzmeti
