وڭتٷستٸكتە ٶنەركەسٸپ كەسٸپورىندارى 510 ملرد تەڭگەنٸڭ ٶنٸمٸن ٶندٸردٸ
باسقارما باسشىسىنىڭ مەلٸمەتٸنشە, وسى جىلدىڭ سەگٸز ايىندا وبلىستاعى ٶنەركەسٸپ كەسٸپورىندارىمەن 510,1 ملرد. تەڭگەنٸڭ ٶنٸمٸ ٶندٸرٸلگەن. ونىڭ ٸشٸندە ٶڭدەۋ ٶنەركەسٸبٸمەن 353 ملرد. تگ. ٶنٸمٸ ٶندٸرٸلدٸ.
سونىمەن قاتار, ول ٶڭٸردە كەسٸپكەرلٸكتٸ قولداۋ ماقساتىندا يندۋسترييالدى-يننوۆاتسييالىق دامۋ باعدارلاماسى سەتتٸ جٷرگٸزٸلٸپ جاتقانىن اتاپ ٶتتٸ.
– يندۋسترييالىق-يننوۆاتسييالىق دامۋ باعدارلاماسى شەڭبەرٸندە 2015-2019 جىلدارى كەسٸپكەرلٸكتٸ قولداۋ كارتاسى بويىنشا قۇنى 1,2 ترلن. تەڭگەگە 17,5 مىڭنان استام جۇمىس ورنىن قۇرايتىن 135 جوبانى ٸسكە اسىرۋ جوسپارلانعان. بٷگٸنگٸ تاڭدا مەملەكەتتٸك باعدارلامانىڭ اياسىندا 47,7 ملرد. تگ. قۇرايتىن 49 جوبا ٸسكە اسىرىلدى. وندا 1900-دەن استام تۇراقتى جۇمىس ورنى اشىلدى. 2017 جىلى 37 ملرد. تەڭگەنi قۇرايتىن 17 جوبانى ٸسكە قوسۋ كٶزدەلگەن. ەسەپتٸ كەزەڭدە قۇنى 2,3 ملرد. تەڭگەنٸ قۇرايتىن 5 جوبا ٸسكە قوسىلدى, – دەدٸ باسقارما باسشىسى.
جالپى جىلدىڭ سوڭىنا دەيٸن 34,7 ملرد. تەڭگەنٸ قۇرايتىن 12 جوبا ٸسكە قوسىلادى. بٷگٸنگٸ تاڭدا ٸسكە قوسىلعان جوبالاردىڭ 94%-ى جوسپارلىق قۋاتتىلىقتى يگەرٸپ, 71 ملرد.تەڭگەنٸڭ ٶنٸمٸن ٶندٸردٸ. ٶڭدەۋ ٶنەركەسٸبٸندەگٸ ٷلەسٸ 21 پايىزعا جەتكەن.
بۇدان بٶلەك, باتىرحان قۇرمانسەيٸت «وڭتٷستٸك» ارنايى ەكونوميكالىق ايماعىندا جالپى ينۆەستيتسييا سومماسى 34,3 ملرد. تەڭگەنٸ قۇرايتىن 10 جوبا جٷزەگە اسىرىلعانىن اتاپ ٶتتٸ. ياعني بۇل كەسٸپورىندارمەن 22,7 ملرد. تەڭگەگە ٶنٸم ٶندٸرٸلسە, ٶندٸرٸلگەن تاۋارلار گەرمانييا, انگلييا, كورەيا, تٷركييا, رەسەي سىندى 15-تەن استام ەلدەرگە ەكسپورتتالعان. اتالاعان ايماقتا وسى جىلدىڭ سوڭىندا جالپى ينۆەستيتسييا كٶلەمٸ 2,6 ملرد. تەڭگە قۇرايتىن 3 جوبا ٸسكە قوسىلادى دەپ كٷتٸلۋدە.
وقو ەكٸمٸنٸڭ باسپاسٶز قىزمەتٸ
