Meditsina shekara tańdamaitynyn aitqan aimaq basshysy sheteldiń bilikti ortoped, travmatolog mamandary qatysyp otyrǵan búgingi halyqaralyq ǵylymi-praktikalyq konferentsiianyń mańyzy zor ekenin atap ótti.
– Búgingi konferentsiiadaǵy kóterilip otyrǵan taqyryptyń qoǵam úshin óte mańyzdy ekendigin basa aitqym keledi. Sońǵy jyldary otandyq meditsina salasynda dárigerlerimiz eleýli jetistikterge jetip, halyqtyń densaýlyǵyn qorǵaýda tyń tehnologiialardy qoldanysqa engizýde. Memleket basshysynyń 2015-2019 jyldarǵa arnalǵan «Densaýlyq» memlekettik baǵdarlamasynyń nátijesinde meditsina salasyn qarjylandyrý jyldan jylǵa ulǵaiyp, aýrýhanalar men emhanalardyń materialdyq-tehnikalyq jaǵdaiy jaqsarýda. Dárigerler meditsinasy ozyq elderdiń klinikalarynda tájiribe jinaqtap, kásibi sheberlikterin shyńdaýda. Ult densaýlyǵyn saqtaýda aýrýdyń aldyn alýǵa basa mán berilip, salamatty ómir saltyn ustanýda, – dedi ákim.
Konferentsiia barysynda Qazaqstan jáne onyń halqy az qonystanǵan eldi mekenderge jáne mamandandyrylǵan kómek kórsetý ortalyqtarynyń arasyndaǵy úlken ara qashyqtyq úshin óte ózekti bolyp keletin travmatologiia jáne ortopediiada innovatsiialyq tehnologiialardy engizý jáne qoldaný, ortopediialyq-travmatologiialyq kómek uiymdastyrý, jaraqattanýshylyqty aldyn alý máseleleri boiynsha plenarlyq jáne sektsiialyq otyrystar ótkizildi. Sondai-aq, balalar ortopediiasy men travmatologiiasy, ortopediialyq-travmatologiialyq praktikadaǵy qatelikteri jáne asqynýlardyń ózekti máseleleri de osy basqosýda talqylandy.
Halyqaralyq dárigerler jiynynda farmatsevtikalyq kompaniialar qazirgi zamanǵy meditsinalyq jabdyqtar men meditsinalyq maqsattaǵy buiymdardy sondai-aq, jetekshi meditsinalyq óndirýshi firmalar dárilik preparattaryn usyndy.
Konferentsiia qatysýshylary búgingi basqosý halyqaralyq tájiribeni úirený, bilimdermen almasý, odan ári konstrýktivti jáne ózara tiimdi yntymaqtastyqty arttyrý úshin jáne ǵylymi, iskerlik bailanystardy qurý alańy bolyp qyzmet etetine senim bildirip, tarqasty.
Úsh millionǵa jýyq halyq bar Ońtústik Qazaqstanda biyl oblystyń densaýlyq saqtaý salasyna bólingen qarjy 125 milliard teńgeni quraǵan. Sonyń nátijesinde óńirdiń shalǵai aýyldarynda da meditsinalyq qyzmettiń sapasy jaqsarǵan. Memleket tarapynan jasalyp jatqan osyndai qamqorlyqtyń nátijesinde búginde buryn sońdy bolmaǵan kúrdeli otalardy Astana, Almaty qalalarynda ǵana emes, Shymkentte de jasaý múmkin bolyp otyr. Sońǵy jeti jylda oblys halqynyń ómir súrý uzaqtyǵy 69-dan 72-ge deiin joǵarylasa, ana men bala ólim-jitimi sońǵy bes jyl ishinde edáýir tómendegen.
OQO ákiminiń baspasóz qyzmeti
