مەديسينا شەكارا تاڭدامايتىنىن ايتقان ايماق باسشىسى شەتەلدىڭ بىلىكتى ورتوپەد، تراۆماتولوگ ماماندارى قاتىسىپ وتىرعان بۇگىنگى حالىقارالىق عىلىمي-پراكتيكالىق كونفەرەنسيانىڭ ماڭىزى زور ەكەنىن اتاپ ءوتتى.
– بۇگىنگى كونفەرەنسياداعى كوتەرىلىپ وتىرعان تاقىرىپتىڭ قوعام ءۇشىن وتە ماڭىزدى ەكەندىگىن باسا ايتقىم كەلەدى. سوڭعى جىلدارى وتاندىق مەديسينا سالاسىندا دارىگەرلەرىمىز ەلەۋلى جەتىستىكتەرگە جەتىپ، حالىقتىڭ دەنساۋلىعىن قورعاۋدا تىڭ تەحنولوگيالاردى قولدانىسقا ەنگىزۋدە. مەملەكەت باسشىسىنىڭ 2015-2019 جىلدارعا ارنالعان «دەنساۋلىق» مەملەكەتتىك باعدارلاماسىنىڭ ناتيجەسىندە مەديسينا سالاسىن قارجىلاندىرۋ جىلدان جىلعا ۇلعايىپ، اۋرۋحانالار مەن ەمحانالاردىڭ ماتەريالدىق-تەحنيكالىق جاعدايى جاقسارۋدا. دارىگەرلەر مەديسيناسى وزىق ەلدەردىڭ كلينيكالارىندا تاجىريبە جيناقتاپ، كاسىبي شەبەرلىكتەرىن شىڭداۋدا. ۇلت دەنساۋلىعىن ساقتاۋدا اۋرۋدىڭ الدىن الۋعا باسا ءمان بەرىلىپ، سالاماتتى ءومىر سالتىن ۇستانۋدا، – دەدى اكىم.
كونفەرەنسيا بارىسىندا قازاقستان جانە ونىڭ حالقى از قونىستانعان ەلدى مەكەندەرگە جانە مامانداندىرىلعان كومەك كورسەتۋ ورتالىقتارىنىڭ اراسىنداعى ۇلكەن ارا قاشىقتىق ءۇشىن وتە وزەكتى بولىپ كەلەتىن تراۆماتولوگيا جانە ورتوپەديادا يننوۆاسيالىق تەحنولوگيالاردى ەنگىزۋ جانە قولدانۋ، ورتوپەديالىق-تراۆماتولوگيالىق كومەك ۇيىمداستىرۋ، جاراقاتتانۋشىلىقتى الدىن الۋ ماسەلەلەرى بويىنشا پلەنارلىق جانە سەكسيالىق وتىرىستار وتكىزىلدى. سونداي-اق، بالالار ورتوپەدياسى مەن تراۆماتولوگياسى، ورتوپەديالىق-تراۆماتولوگيالىق پراكتيكاداعى قاتەلىكتەرى جانە اسقىنۋلاردىڭ وزەكتى ماسەلەلەرى دە وسى باسقوسۋدا تالقىلاندى.
حالىقارالىق دارىگەرلەر جيىنىندا فارماسيەۆتيكالىق كومپانيالار قازىرگى زامانعى مەديسينالىق جابدىقتار مەن مەديسينالىق ماقساتتاعى بۇيىمداردى سونداي-اق، جەتەكشى مەديسينالىق ءوندىرۋشى فيرمالار دارىلىك پرەپاراتتارىن ۇسىندى.
كونفەرەنسيا قاتىسۋشىلارى بۇگىنگى باسقوسۋ حالىقارالىق تاجىريبەنى ۇيرەنۋ، بىلىمدەرمەن الماسۋ، ودان ءارى كونسترۋكتيۆتى جانە ءوزارا ءتيىمدى ىنتىماقتاستىقتى ارتتىرۋ ءۇشىن جانە عىلىمي، ىسكەرلىك بايلانىستاردى قۇرۋ الاڭى بولىپ قىزمەت ەتەتىنە سەنىم ءبىلدىرىپ، تارقاستى.
ءۇش ميلليونعا جۋىق حالىق بار وڭتۇستىك قازاقستاندا بيىل وبلىستىڭ دەنساۋلىق ساقتاۋ سالاسىنا بولىنگەن قارجى 125 ميلليارد تەڭگەنى قۇراعان. سونىڭ ناتيجەسىندە ءوڭىردىڭ شالعاي اۋىلدارىندا دا مەديسينالىق قىزمەتتىڭ ساپاسى جاقسارعان. مەملەكەت تاراپىنان جاسالىپ جاتقان وسىنداي قامقورلىقتىڭ ناتيجەسىندە بۇگىندە بۇرىن سوڭدى بولماعان كۇردەلى وتالاردى استانا، الماتى قالالارىندا عانا ەمەس، شىمكەنتتە دە جاساۋ مۇمكىن بولىپ وتىر. سوڭعى جەتى جىلدا وبلىس حالقىنىڭ ءومىر ءسۇرۋ ۇزاقتىعى 69-دان 72-گە دەيىن جوعارىلاسا، انا مەن بالا ءولىم-جىتىمى سوڭعى بەس جىل ىشىندە ەداۋىر تومەندەگەن.
وقو اكىمىنىڭ باسپا ءسوز قىزمەتى
