Ońtústik Qazaqstan oblystyq máslıhatynyń kezekti on birinshi sesıasynda QR İshki ister mınıstri Q.Qasymovtyń usynysymen, oblystyq máslıhat depýtattarynyń kelisimimen jáne oblys ákiminiń ókimimen OQO İİD jergilikti polısıa qyzmetiniń bastyǵy laýazymyna Ábdiǵanı Seıdýalıev taǵaıyndaldy.
Á.Seıdýalıev1973 jyly týylǵan, bilimi joǵary. Qazaq memlekettik zań akademıasyn támamdaǵan. İshki ister organdarynda 1995 jyldan bastap qyzmet etip keledi. 2017 jyldyń aqpan aıynan bastap búgingi kúge deıin OQO İİD Ákimshilik polısıa basqarmasynyń bastyǵy laýazymynda qyzmetetken.
Aıta keteıik, Jergilikti polısıa qyzmeti Memleket basshysy N.Nazarbaevtyń Ult jospary – «100 naqty qadam» negizinde qurylǵan. Jergilikti polısıa budan bylaı óńirdegi zań buzýshylyqtardy anyqtaýǵa, zerdeleýge jáne joıýǵa baǵyttalǵan sharalardy uıymdastyrady.Sondaı-aq, jergilikti polısıa qoǵamdyq tártipti qadaǵalap, jol júrisi men onyń qaýipsizdigin qamtamasyz etedi.
Sesıa barysynda oblystyq kásipkerlik, ındýstrıaldy-ınnovasıalyq damý jáne týrızm basqarmasynyń 2016 jyly atqarǵan jumystary jónindegi esebi, Shymkent pen Arys qalalarynyń kóshelerine ataý berý jaıy qaraldy.
Sonymen qosa, máslıhattyń otyrysynda OQO sotynyń tóraǵasy N.Sháripov, OQO boıynsha Sottar ákimshisiniń basshysy O.Leshtaev jáne Sozaq aýdandyq aýrýhanasynyń bas dárigeri M.Jaqsybergenovter Ońtústik Qazaqstan oblysynyń Qurmet gramotasymen nagradtalsa, aýmaqtyq saılaý komısıasynyń tóraǵasy Á.Ómiralıev, eńbek ardageri Sh.Ýsmanovtar oblys máslıhatynyń Qurmet gramotasymen marapattaldy.
OQO ákiminiń baspasóz qyzmeti
