وڭتۇستىك قازاقستان وبلىستىق ءماسليحاتىنىڭ كەزەكتى ون ءبىرىنشى سەسسياسىندا ق ر ىشكى ىستەر ءمينيسترى ق.قاسىموۆتىڭ ۇسىنىسىمەن، وبلىستىق ءماسليحات دەپۋتاتتارىنىڭ كەلىسىمىمەن جانە وبلىس اكىمىنىڭ وكىمىمەن وقو ءىىد جەرگىلىكتى پوليسيا قىزمەتىنىڭ باستىعى لاۋازىمىنا ءابدىعاني سەيدۋالييەۆ تاعايىندالدى.
ءا.سەيدۋالييەۆ1973 جىلى تۋىلعان، ءبىلىمى جوعارى. قازاق مەملەكەتتىك زاڭ اكادەمياسىن ءتامامداعان. ىشكى ىستەر ورگاندارىندا 1995 جىلدان باستاپ قىزمەت ەتىپ كەلەدى. 2017 جىلدىڭ اقپان ايىنان باستاپ بۇگىنگى كۇگە دەيىن وقو ءىىد اكىمشىلىك پوليسيا باسقارماسىنىڭ باستىعى لاۋازىمىندا قىزمەتەتكەن.
ايتا كەتەيىك، جەرگىلىكتى پوليسيا قىزمەتى مەملەكەت باسشىسى ن.نازاربايەۆتىڭ ۇلت جوسپارى – «100 ناقتى قادام» نەگىزىندە قۇرىلعان. جەرگىلىكتى پوليسيا بۇدان بىلاي وڭىردەگى زاڭ بۇزۋشىلىقتاردى انىقتاۋعا، زەردەلەۋگە جانە جويۋعا باعىتتالعان شارالاردى ۇيىمداستىرادى.سونداي-اق، جەرگىلىكتى پوليسيا قوعامدىق ءتارتىپتى قاداعالاپ، جول ءجۇرىسى مەن ونىڭ قاۋىپسىزدىگىن قامتاماسىز ەتەدى.
سەسسيا بارىسىندا وبلىستىق كاسىپكەرلىك، يندۋستريالدى-يننوۆاسيالىق دامۋ جانە تۋريزم باسقارماسىنىڭ 2016 جىلى اتقارعان جۇمىستارى جونىندەگى ەسەبى، شىمكەنت پەن ارىس قالالارىنىڭ كوشەلەرىنە اتاۋ بەرۋ جايى قارالدى.
سونىمەن قوسا، ءماسليحاتتىڭ وتىرىسىندا وقو سوتىنىڭ ءتوراعاسى ن.ءشارىپوۆ، وقو بويىنشا سوتتار اكىمشىسىنىڭ باسشىسى و.لەشتايەۆ جانە سوزاق اۋداندىق اۋرۋحاناسىنىڭ باس دارىگەرى م.جاقسىبەرگەنوۆتەر وڭتۇستىك قازاقستان وبلىسىنىڭ قۇرمەت گراموتاسىمەن ناگرادتالسا، اۋماقتىق سايلاۋ كوميسسياسىنىڭ ءتوراعاسى ءا.ومىرالييەۆ، ەڭبەك ارداگەرى ش.ۋسمانوۆتار وبلىس ءماسليحاتىنىڭ قۇرمەت گراموتاسىمەن ماراپاتتالدى.
وقو اكىمىنىڭ باسپا ءسوز قىزمەتى
