Ońtústikte jemis-jidek agroparki qurylady
Sharaǵa Ońtústik Qazaqstan oblysynyń ákimi Janseiit Túimebaev, «Agrarlyq nesie korporatsiiasy» AQ basqarma tóraǵasy Narmuhan Sarybaev, «Shymkent» áleýmettik-kásipkerlik korporatsiiasy» UQ» AQ basqarma tóraǵasy Aitmuhammed Aldajarov qatysyp, aldaǵy atqarylar jumystardy naqtylady.
Úshjaqty kelisimge sai Ońtústik Qazaqstan oblysynyń ákimdigi jer ýchaskelerin berip, infraqurylym men ǵimarat qurylysyna jaýapty bolsa, «Shymkent» áleýmettik-kásipkerlik korporatsiiasy» UQ» AQ jobanyń operatory retinde investorlar tartyp, qarjy bólip, agrosalada eńbek etip júrgen sharýa qojalyqtarymen kelisimge turýdy óz moinyna alyp otyr. Al, «Agrarlyq nesie korporatsiiasy» AQ klientterdi tartyp, eksportqa baǵdarlanǵan «AgroEksport» baǵdarlamasy boiynsha jeńildikpen qarjylandyrý jumystaryn júzege asyrmaq.
Bul kelisim óz kezeginde óńirimizdegi baý-baqsha sharýashylyǵyn damytyp, joǵary mýltiplikativtik nátijege qol jetkizýge septigin tigizeri sózsiz. Bul – konteiner jasaý, qaptaý, tehnikany qurastyrý, tamshylatyp sýarý jáne taǵy basqa óndirister boiynsha jobalardy qurýǵa múmkindik beredi.
OQO ákiminiń baspasóz qyzmeti
