شاراعا وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ، «اگرارلىق نەسيە كورپوراسياسى» اق باسقارما ءتوراعاسى نارمۇحان سارىبايەۆ، «شىمكەنت» الەۋمەتتىك-كاسىپكەرلىك كورپوراسياسى» ۇق» اق باسقارما ءتوراعاسى ايتمۇحاممەد الداجاروۆ قاتىسىپ، الداعى اتقارىلار جۇمىستاردى ناقتىلادى.
ءۇشجاقتى كەلىسىمگە ساي وڭتۇستىك قازاقستان وبلىسىنىڭ اكىمدىگى جەر ۋچاسكەلەرىن بەرىپ، ينفراقۇرىلىم مەن عيمارات قۇرىلىسىنا جاۋاپتى بولسا، «شىمكەنت» الەۋمەتتىك-كاسىپكەرلىك كورپوراسياسى» ۇق» اق جوبانىڭ وپەراتورى رەتىندە ينۆەستورلار تارتىپ، قارجى ءبولىپ، اگروسالادا ەڭبەك ەتىپ جۇرگەن شارۋا قوجالىقتارىمەن كەلىسىمگە تۇرۋدى ءوز موينىنا الىپ وتىر. ال، «اگرارلىق نەسيە كورپوراسياسى» اق كليەنتتەردى تارتىپ، ەكسپورتقا باعدارلانعان «اگروەكسپورت» باعدارلاماسى بويىنشا جەڭىلدىكپەن قارجىلاندىرۋ جۇمىستارىن جۇزەگە اسىرماق.
بۇل كەلىسىم ءوز كەزەگىندە وڭىرىمىزدەگى باۋ-باقشا شارۋاشىلىعىن دامىتىپ، جوعارى مۋلتيپليكاتيۆتىك ناتيجەگە قول جەتكىزۋگە سەپتىگىن تيگىزەرى ءسوزسىز. بۇل – كونتەينەر جاساۋ، قاپتاۋ، تەحنيكانى قۇراستىرۋ، تامشىلاتىپ سۋارۋ جانە تاعى باسقا وندىرىستەر بويىنشا جوبالاردى قۇرۋعا مۇمكىندىك بەرەدى.
وقو اكىمىنىڭ باسپا ءسوز قىزمەتى
