Ońtústik Qazaqstan oblysynda alǵash ret Qazaqstan Respýblikasy Eńbek jáne halyqty áleýmettik qorǵaý ministrliginiń kúnderi ótýde.
26 shilde men 2 tamyz aralyǵynda Ońtústik Qazaqstan oblysynyń turǵyndary QR Eńbek jáne halyqty áleýmettik qorǵaý ministrligi basshylarynan tikelei keńes ala alady.
Osy kúnder ishinde ministrliktiń basshylyq quramy oblystaǵy barlyq aýdan, qalalarda bolyp, jergilikti turǵyndardyń máselesin sheshý jáne eńbek zańnamasyndaǵy qazaqstandyqtardyń quqyǵy men memleket tarapynan beriletin sanalýan kómek túrlerin túsindirý maqsatynda jastarmen jáne aýyldyq okrýg aktivteri ókilderimen kezdesetin bolady.
Ministr Tamara Dúisenovanyń bastamasymen qolǵa alynǵan Eńbekmini kúni Qazyǵurt aýdanynan bastaý aldy.
Qazyǵurt aýdanynda bolǵan jumysshy top áleýmettik kómekti jańǵyrtý, «Órleý» jobasyna qatysý, zeinetaqy júiesiniń reformasy, jumys berýshiler men jumysshylardyń quqyǵyn saqtaý syndy máseleler boiynsha aýdan aktivimen jáne kásipkerlermen kezdesti. Jiynda munan bólek, múgedekter quqyǵyn qorǵaý, múmkindigi shekteýli jandarǵa arnaýly áleýmettik qyzmetter kórsetý jáne nysandardy múgedekterge qoljetimdi bolatyndai etip beiimdeý jaiy da sóz boldy.
Sonymen qatar, vedomstva ókilderi áleýmettik kómek máselesi boiynsha turǵyndardy jeke qabyldaý ótkizdi.
