وڭتۇستىك قازاقستان وبلىسىندا العاش رەت قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ كۇندەرى وتۋدە.
26 شىلدە مەن 2 تامىز ارالىعىندا وڭتۇستىك قازاقستان وبلىسىنىڭ تۇرعىندارى ق ر ەڭبەك جانە حالىقتى الەۋمەتتىك قورعاۋ مينيسترلىگى باسشىلارىنان تىكەلەي كەڭەس الا الادى.
وسى كۇندەر ىشىندە مينيسترلىكتىڭ باسشىلىق قۇرامى وبلىستاعى بارلىق اۋدان، قالالاردا بولىپ، جەرگىلىكتى تۇرعىنداردىڭ ماسەلەسىن شەشۋ جانە ەڭبەك زاڭناماسىنداعى قازاقستاندىقتاردىڭ قۇقىعى مەن مەملەكەت تاراپىنان بەرىلەتىن سانالۋان كومەك تۇرلەرىن ءتۇسىندىرۋ ماقساتىندا جاستارمەن جانە اۋىلدىق وكرۋگ اكتيۆتەرى وكىلدەرىمەن كەزدەسەتىن بولادى.
مينيستر تامارا دۇيسەنوۆانىڭ باستاماسىمەن قولعا الىنعان ەڭبەكمينى كۇنى قازىعۇرت اۋدانىنان باستاۋ الدى.
قازىعۇرت اۋدانىندا بولعان جۇمىسشى توپ الەۋمەتتىك كومەكتى جاڭعىرتۋ، «ورلەۋ» جوباسىنا قاتىسۋ، زەينەتاقى جۇيەسىنىڭ رەفورماسى، جۇمىس بەرۋشىلەر مەن جۇمىسشىلاردىڭ قۇقىعىن ساقتاۋ سىندى ماسەلەلەر بويىنشا اۋدان اكتيۆىمەن جانە كاسىپكەرلەرمەن كەزدەستى. جيىندا مۇنان بولەك، مۇگەدەكتەر قۇقىعىن قورعاۋ، مۇمكىندىگى شەكتەۋلى جاندارعا ارناۋلى الەۋمەتتىك قىزمەتتەر كورسەتۋ جانە نىسانداردى مۇگەدەكتەرگە قولجەتىمدى بولاتىنداي ەتىپ بەيىمدەۋ جايى دا ءسوز بولدى.
سونىمەن قاتار، ۆەدومستۆا وكىلدەرى الەۋمەتتىك كومەك ماسەلەسى بويىنشا تۇرعىنداردى جەكە قابىلداۋ وتكىزدى.
