Aita keterligi, ótken jyly oblysta biýdjet esebinen 33 nysan salyndy. Atap aitqanda, Shymkent qalalyq jedel járdem kórsetý aýrýhanasy men oblystyq onkologiialyq dispanseriniń korpýsy, 1 aýdandyq emhana, 7 dárigerlik ambýlatoriia, 18 feldsherlik-akýsherlik jáne 5 meditsinalyq pýnkt paidalanýǵa berilgen bolatyn.
Sondai-aq, 2017 jyly oblystyq biýdjet esebinen 20 dana qurastyrmaly-qańqaly modýldik konstrýktsiia ádisimen salynǵan meditsinalyq tirekter satyp alyndy. Aǵymdaǵy jyly 67 meditsinalyq tirek satyp alý josparlanyp otyr.
– 2017 jyly 4 emhananyń qurylysy bastalyp, búginde jumys júrgizilýde. Olardyń qatarynda úsh birdei 500 adamdyq Aqsýkent, Jetisai jáne Kentaý qalalyq emhanalarynyń qurylysy, sonymen qatar, 250 naýqasqa shaqtalǵan Maqtaral aýdandyq Myrzakent emhanasyn aitýǵa bolady. Memlekettik-jekemenshik áriptestik aiasynda Shymkent qalasynda №10 Qaitpas emhanasynyń qurylysy bastalyp, Birkólik, Aqsý-Jabaǵyly sanatoriileri senimgerlik basqarýǵa berildi, – dedi Muqan Keńesbekuly.
Basqarma basshynyń aitýynsha, kezeksiz emhanany jetildirý maqsatynda 23 meditsinalyq uiymǵa elektrondyq kezek tablosy ornatylǵan. Bul júiemen 2018 jyly óńirdegi barlyq emhanalar qamtamasyz etiletin bolady. Shuǵyl áreket etý maqsatynda SOS júieleri 17 meditsinalyq uiymǵa engizildi. Bul baǵdarlama patsienttiń, posttaǵy meiirbikeniń, kezekshi dárigerdiń qajetti mamandy 1 minýt ishinde shuǵyl shaqyryp alýyna múmkindik beredi.
Sonymen qatar, 35 meditsinalyq uiym keshendi aqparattyq júiege qosylǵan. 2018 jyly barlyq meditsinalyq mekemeler 100 paiyzǵa aqparattyq júiege qosylady dep josparlanýda. Aldaǵy ýaqytta óńirde emhana, aýrýhana jáne jedel meditsinalyq kómek qyzmetiniń biriktirilgen aqparattyq júiesi engizilip, biryńǵai sitýatsiialyq ortalyq jumys jasaityn bolady.
OQO ákiminiń baspasóz qyzmeti
https://dalanews.kz/33918
