[caption id="attachment_31659" align="alignright" width="318"] Foto. Samat Myrzalıev.[/caption]
– Áleýmettik mańyzy bar azyq-túlik taýar baǵalarynyń ósýine jol bermeý maqsatynda óńirde bir aı kóleminde áleýmettik bazarlar ashýymyz qajet. Ol úshin Shymkentten 1-1,5 gektar jer qaralyp, talapqa saı jasaqtalýyn, al iri aýdandar 70 sottyq, kishi aýdandar 50 sottyq jer bólip az ýaqyttyń ishinde taýar óndirýshilerge óz ónimderin satýǵa múmkindik jasalý kerek, – dedi ákim. Sonymen qatar, aımaq basshysy áleýmettik bazarlarda ónimder aýyl sharýashylyq jármeńkelerine básekelesetindikten jáne taýar óndirýshilermen tikeleı qarym-qatynas jasaý arqyly ónim baǵasyn tómendetýge múmkindik týatynyn atap ótti.
Májiliste sóz alǵan oblystyq kásipkerlik, ındýstrıaldy-ınnovasıalyq damý jáne týrızm basqarmasy basshysynyń orynbasary Baǵlan Jumashbekov jalpy obysta áleýmettik azyq-túlik taýarlary baǵalarynyń kúrt ósimi oryn almaǵanyn jáne taýarlarǵa jetispeýshik baıqalmaıtynyn málim etti.
Onyń aıtýynsha, baǵany turaqtandyrý maqsatynda oblys aýmaǵyndaǵy saýda oryndarynyń basshylarymen baǵany negizsiz ósirmeý jóninde memorandýmǵa qol qoıylǵan. Sonymen qatar, aýylsharýashylyq taýarlarynyń jármeńkesin ótkizý arqyly baǵa turaqtylyǵy saqtalýda. Máselen, jyl basynan beri óńirde 77 jármeńke ótkizilgen bolsa, onda jalpy sommasy 639,3 mln. teńge bolatyn 842,1 tonna azyq-túlik tarýarlary satylǵan. Iaǵnı, jergilikti taýar óndirýshilerdiń jármeńkedegi tikeleı satylymynyń esebinen baǵalar naryqtaǵydan tómen bolǵan. Budan bólek, ol ÁKK turaqtandyrý qoryna azyq-túlik taýarlaryn jetkizý boıynsha jalpy sommasy 752,3 mln teńgeni quraıtyn fúcherlik/forvardtyq kelisim sharttarǵa qol qoıylǵanyn jetkizdi.
Aıta keteıik, búgingi tańda turaqtandyrý qorynda – 1 myń tonna qant, 2 myń tonna kartop, 1 myń tonna pıaz, sábiz 1 200 tonna, kúrish 70 tonna, al sıyr eti 200 jáne 30 tonna makaron ónimderi bar. Munan bólek, qoımada ótken jyly alynǵan taýarlardan qalǵan 2500 tonna un, 1 244 tonna qant jáne 69,1 tonna kúrish saqtalýda.
Jıyndy qorytyndylaǵan oblys ákimi azyq-túlik baǵalarynyń ósýi halyqty alańdatatyn eń mańyzdy másele ekenin aıtyp, árbir aýdan, qala ákimderine turǵyndardyń kúndelikti tutynatyn taýar baǵalarynyń ósýine jol bermeýdi nyqtap tapsyrdy.
OQO ákiminiń baspasóz qyzmeti